Alerta laranja Erriberan eta abisu horia Hego Euskal Herriko barnealdean, beroagatik
Bihar, ostirala, Ebroko Erribera alerta laranjapean egongo da tenperatura altuengatik, eta Nafarroako gainontzeko eskualdeek, Arabak eta Bizkaiko eta Gipuzkoako barnealdeak abisu horia izango dute aktibatuta, arrazoi beragatik.
Ostiralean, 14:00etatik 21:00etara, Aemetek alerta laranja ezarriko du Ebroko Erriberan, Nafarroan, tenperatura altuengatik. Ordu tarte berean, abisu horia egongo da indarrean Nafarroako beste eskualdeetan.
EAEn, abisu horia aktibatuta egongo da egun osoan Bizkaiko eta Gipuzkoako barnealdean, tenperatura altu iraunkorrengatik, eta Araban, gainera, muturreko tenperatura altuengatik ere, kasu honetan 14:00etatik 21:00etara. Tenperatura minimoak 17 ºC inguruan eta maximoak 37 ºC inguruan geratuko dira Ebroko ardatzean, 17-37 ºC-koak izango dira barnealdeko zona atlantikoan eta 17-35 ºC-koak trantsizio-eremuan. Kostaldean, berriz, 18-28 ºC ingurukoak izango dira.
Larunbatean, berriz, tenperatura maximoak 37 ºC-koak izan litezke Ebroko ardatzean eta barnealdeko eremu atlantikoan, eta 36 ºC-koak trantsizio eremuan. Arratsaldean, behera egingo dute. Bestalde, trantsizio eremuan eta Ebroko ardatzaren eremuan, hegoaldeko haizea ibiliko da egun osoan.
Kasu horretan, abisu horiak Araban eta Nafarroa erdialdean eta hegoaldean soilik izango du eragina, 13:00etatik 20:00etara.
Albiste gehiago gizartea
Foru Gobernuak "lasaitasuna" eskatu du Izarbeibarko sutearen aurrean: "Ez du herrigunerik kaltetu"
Amparo Lopez Barne, Funtzio Publiko eta Justizia kontseilariak "lasaitasun" mezua zabaldu du Muruzabal, Eneritz, Añorbe eta Obanosen artean piztutako sutearen aurrean, "ez baitago, a priori, herrigunerik kaltetutaa". "Eta ez dugu uste gertatuko denik", gaineratu du. Bestalde, Maria Chivitek Nafarroako presidenteak eskertu egin du "inguruko alkateekin izaten ari garen lankidetza perfektua".
Abuztuaren 29an gauez ez da jairik izango Bakion, ekitaldiak bertan behera utzi ostean "indarkeria areagotu delako"
"Hainbat eraso matxista eta borroka izan dira, eta jai giroa hondatu dute", azaldu du Bizkaiko Udalak. Hori dela eta, San Joan Doloz gauean ez da DJ ikuskizunik izango.
Bizkaiko 17 udalerritako hegazti-ustiategiak konfinatu dituzte, hegazti-gripearen hainbat kasu agertu direlako
Ezarritako babes- eta zaintza-eremuek udalerri hauei eragiten diete: Lemoiz, Bakio, Gorliz, Barrika, Sopela, Mungia, Maruri, Plentzia, Urduliz, Getxo, Berango, Gatika, Laukiz, Leioa, Erandio, Loiu eta Derio.
Fauna basatia sendatzeko Gorlizko zentroak abeletxeko hegazti guztiak hil ditu, eta inguruko udalerrietan prebentzio-neurriak ezarri dituzte
Zentroak hegazti gripearen bi kasu atzeman ditu, eta, iragarri dute, ondorioz, zentroa bera kutsatu egin dela. Hala, alde batetik, abeletxeko hegazti guztiak hil dituzte, eta, bestetik, inguruko herrietan prebentzio-neurriak ezarri dituzte.
Izarbeibarren piztutako baso-sutea egonkortu dute
Muruzabal, Eneritz, Añorbe eta Obanos herrietan piztutako baso-suteak uzta bilduta zeuden hainbat zereal-soro eta pinudi bat kaltetu ditu. Artaxoan piztutako bigarren sute baten ondorioz, NA-132 eta NA-6020 errepideak itxi behar izan dituzte, baina biak dagoeneko berriz zabaldu dituzte. Nafarroak nekazaritza jarduera jakin batzuk debekatu ditu aldi baterako, suteak prebenitzeko.
Bizkaiko Aldundiak esan du hegazti-gripe kasuek ez dutela inor "ustekabean" harrapatu, eta gaitza ez dela gizakion osasunerako kaltegarria
Iñaki Arrazola Aldundiko Abeltzaintza zerbitzuburuak Radio Euskadin azaldu duenez, hegaztien sektoreak "erne" egon behar du birusaren aurrean.
Elvia Gomez nafarrak Young Scientific Explorer Award saria irabazi du, 13 urterekin
Lau urterekin elur-oreinen aztarnak arakatzera joan zen Finlandiara, eta orain, 13 urterekin, Eguesibarreko gazteak Young Scientific Explorer Award saria jaso du. Gainera, Elvia Gomezek arrakasta handia du Instagramen (@elvialarastreadora), animaliei buruzko bitxikeriak kontatzen baititu.
Giro bikaina Gasteizen goizean goizetik Andre Maria Zuriaren egun handian
Abuztuaren 5a, Gasteizko jaietako egun handia, adin eta gustu guztietarako jardueraz beteta dator. Goizeko lehen orduan, adibidez, Andre Maria Zuriari Lore eta Ohorezko Aurreskua egin diote blusa eta nesken kuadrillek.
Euskadi, errendimendu akademiko handiena dagoen eta kalitatezko enplegu gehien lortzen den erkidegoen artean
Euskal Autonomia Erkidegoko ikasleak unibertsitatera sartzeko aukera gehien dituztenetakoak dira Estatu mailan. Izan ere, hamasei urtetik gorako biztanleen erdiak eta biztanleria aktiboaren ia bi herenek unibertsitate-ikasketak dituzte.
Andre Maria Zuriaren eguna jai-jarduerez beteta dator
Kontsulta ezazu Gasteizko jaietako egun handiaren egitarau osoa, hemen.