Gizon bat ikertzen ari dira Algortako Portu Zaharreko jaietan izandako sexu-eraso bat egotzita
Ertzaintza gizon bat ikertzen ari da, sexu-askatasunaren aurkako delitu bat eta lesioak egotzita. Getxoko Algortako Portu Zaharreko jaietan hainbat emakumeri eraso egitea leporatu diote gazteari. Gertakariak igande goizaldean izan ziren, 03:30ak inguruan.
Ertzaintzak EITB MEDIAri jakinarazi dionez, abuztuaren 15ean, asteartean, lau lesio-salaketa eta sexu-askatasunaren aurkako delitu bat jaso zituen atestatua ireki zuten. Gertakariak larunbatetik iganderako gauean izan ziren, goizaldeko 03:30ak inguruan, Algortako Portu Zaharreko jai-esparruan. Ikerketak aurrera jarraitzen du.
Eraso matxista bat salatzeko elkarretaratzea Bermeon
Bermeon ere eraso matxista baten berri eman dute egunotan; zehazki, bertako Udalak jakinarazi duenez, astearte goizean emakume baten aurkako erasoa egon zen udalerrian. Iturriek azaldu dutenez, ustezko erasotzailea identifikatuta eta epaileen esku dago jada.
Eraso horren aurrean, Bermeoko Udalak bere gaitzespenik "sutsuena" adierazi du eta, era berean, bere gertutasuna eta elkartasuna adierazi dio emakumeari eta bere ingurukoei. Era berean, udalerriko mugimendu feministak deitutako elkarretaratzean parte hartzeko deia egin zuen Udalak. Mobilizazioa atzo, ostiralean, egin zuten.
Albiste gehiago gizartea
Bilboko Fika kaleko homizidioan inplikatutako hirugarren pertsona bat atxilotu dute
Ertzaintzak hiru pertsona atxilotu ditu dagoeneko igandean Bilbon izandako krimenarekin lotuta. Azken atxilotuak 28 urte ditu, eta bere borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.
Abian da Beldur Barik egitasmoaren 16. bideo lehiaketa, gazteek indarkeria matxistaren aurrean duten jarrera erakuts dezaten
Miren Elgarresta Emakunderen zuzendariak Donostiako Lauaizeta ikastetxean egindako ekitaldian gogorarazi duenez, programaren helburua da gazteen artean indarkeria matxista prebenitzea, "neskak ahalduntzea lagunduz eta mutilei berdintasunaren beharraren gainean hausnartzen lagunduz, denen parte-hartzearekin gizarte berdinzaleago baten alde egiteko".
Berdintasun Ministerioak orkatilako telematikoak kudeatzeko kontratu berri bat lizitatuko du "hilabete gutxi barru"
"Hobekuntza teknikoak" egongo dira, hala nola plataforma bat gailu horien datuen jarraipen etengabea egin ahal izateko. Dena dela, Berdintasun ministroak esan duenez, "orkatilakoek funtzionatzen dute, ondo funtzionatu ere".
Gizon bat atxilotu dute Hernanin, urtebetean laugarrenez, pertsonen trafikoan ibiltzea egotzita
25 urteko atxilotuak bost lagun zeramatzan gidatzen zuen furgonetan, modu irregularrean. Gainera, atxilotuak ez zuen gidabaimenik.
Gizon batatxilotu dute Gasteizen, denda bateko langileari genitalak ukitzea leporatuta
Antza denez, susmagarria langilearengana hurbildu zen, produktuak apaletan jartzen ari zenean, eta genitalak ukitu zizkion.
Aburtok bizilagunen laguntza eskatu du Bilboko hilketaren egileak atxilotzeko
Igandean Solokoetxe auzoan 21 urteko gizon bat labankadaz hil zutela eta, atzoko eguna "oso gogorra" izan zela onartu du Bilboko alkateak. Halaber, hilketaren egileak aurkitzeko Ertzaintzarekin kolaboratzeko dei egin die bizilagunei.
Ertzaintzak identifikatu ditu jada Bilbon 21 urteko gizon bat hil zuten hiru lagunak
Identifikatu ostean, bilatzeko lanean ari dira. Erasoa igande goizean gertatu zen, Bilboko Solokoetxe auzoan. Biktimak arma zuriz egindako zauria zuen bularrean, eta Gurutzetako Ospitalean hil zen.