Kataluniako kooperante bat hil dute Ukrainan, Errusiak haren konboiari egindako erasoan
Jose Manuel Albares Kanpo Arazoetako, Europar Batasuneko eta Lankidetzako jarduneko ministroak baieztatu duenez, Emma Igual kataluniarra, Road to Relief GKEko zuzendaria, hil egin da Errusiak haren konboiari egindako erasoan, Ukrainan.
New Delhin, G20aren goi-bileran, komunikabideei egindako adierazpenetan, Albaresek zehaztu du Espainiako Gobernuak "hitzezko baieztapena" jaso duela heriotza horren inguruan, eta horren ibilgailuaren gainera jaurtigai bat erorita hil dela jakinarazi diote, baina "Ukrainako agintarien baieztapen ziurtatuaren zain" omen daude.
Kooperanteak lan egiten zuen GKEak Instagram bidez jakinarazi duenez, larunbat goizean errusiarren erasoa jaso zuen bere taldeko lau kide zeramatzan ibilgailuak, Sloviansk eta Bakhmut artean, Ivanivske hiriko su gurutzatuan harrapatuta zeuden zibilen beharrak ebaluatzera zihoazenean.
Hauek zihoazen autoan: Ruben Mawick mediku alemaniarra, Johan Mathias Thyr boluntario suediarra, Anthony 'Tonko' Ihnat kanadarra (hau ere hil da) eta Emma Igual boluntario kataluniarra.
Emma Road to Relief erakundearen zuzendari eta sortzaileetako bat zen. Gobernuz kanpoko erakunde hori 2022tik dago Ukrainan, frontetik zibilak ateratzen, eta laguntza humanitarioa ematen du gerrak gehien kaltetutako eremuetan. Donetsk eta Kherson inguruan egiten dute lan. 1.200 pertsona ebakuatzea lortu dute, horietatik 500 haurrak.
Hori izango litzateke Espainiako Estatuko lehen biktima Ukrainako gerran.
Margarita Robles Espainiako jarduneko Defentsa ministroak "maitasun, babes eta elkartasun guztia" helarazi dio igande honetan Henri Camenen Road to Relief gobernuz kanpoko erakundearen beste sortzaileari, eta "lankide gazte honen familiari dolumina eta maitasuna" helarazteko eskatu dio.
Ministroak "miresmena" adierazi dio "bakearen aldeko konpromisoagatik eta gerraren krudelkeria pairatzen ari diren ukrainarrei ematen dieten laguntzagatik".
Albiste gehiago gizartea
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioak Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.