Presoak birgizarteratzearen alde egiten duen Arrats elkarteak jasoko du Gomez Elosegui saria
Arrats elkarteak jasoko du aurten Francisco Javier Gomez Elosegui saria, Eusko Jaurlaritzako Berdintasun, Justizia eta Gizarte Politiketako Sailak ohar bidez jakinarazi duenez. Arrats 1999an sortu zuten Gipuzkoan lurralde horretako kartzelako preso ohiek, eta ordutik preso daudenak birgizarteratzen jarduten du.
Golardoak espetxeetako jardunbide egokien alde nabarmentzen diren pertsonak eta/edo erakundeak nabarmentzen ditu duela lau urtetik. Kriminologiaren Euskal Institutuak (EEI) bultzatu zuen saria, ETAk 1997ko martxoaren 11n hil zuen Francisco Javier Gomez Elosegui lankidearen oroimenez. Jaurlaritzak duela urtebete hartu zuen Espetxeen eskumena, eta Justizia Sailburuordetzak izango du aurrerantzean sari hori emateko ardura.
Iñigo Urkullu lehendakariak berak emango du saria, urriaren 2an Donostiako Tabakaleran egingo den ekitaldi batean. Egun horretan ospatuko du Jaurlaritzak bere lehen Mandela Eguna. Berez, uztailaren 18an da eguna, baina hauteskunde orokorrak tarteko, urriaren 2ra atzeratzea erabaki zuen Jaurlaritzak. Efemeridea helburu bikoitzarekin jaio zen: batetik, euskal espetxeetako funtzionarioen lana aitortzeko, eta bestetik, askatasunik gabeko pertsonei tratu duina bermatzen dieten giza eskubideak defendatzeko.
Arratsek "behartsuenekin" egindako ibilbidea goraipatu du epaimahaiak erabakia argudiatzeko orduan, baita espetxeetako birgizarteratzearen inguruko programetan egindako lana ere. Epaimahaiaren ustez, Arrats "zigortuen bizi-baldintzak duintzen saiatzeagatik" nabarmendu da.
Jaurlaritzak Gipuzkoan sortutako lehen eguneko zentroa kudeatzen du Arrats elkarteak. Askatasunik gabeko pertsonei zuzenduta dago, eta bertan erregimen erdi irekitik gizarteratzeko laguntza ematen dute.
Urriaren 2ko ospakizunen atariko, Betto Snay Bilbon bizi den rapeatzaile angolarrak kontzertua eskaini zuen atzo Bizkaiko espetxean (irudian ikusgai). EAEko kartzeletan emango dituen hiru emanaldietan lehena izan zen.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.