Enbatak 10 gradu jaitsiko du tenperatura kostaldean arratsaldean
Eusko Jaurlaritzako Segurtasun Sailak abisu horia ezarriko du 13:00etan, enbata iritsiko baita kostaldera. Enbatak 8 eta 10 gradu artean jaitsiko du tenperatura, eta 60 kilometro orduko haize-boladak eragingo ditu.
Arratsaldeko ordu bata inguruan hasiko da eguraldia aldatzen. Ordu horretan, haizeak ipar-mendebaldera egingo du bat-batean, eta kostalde osoan zehar zabalduko da. Ondorioz, tenperaturak behera egingo du azkar, eta haize-bolada bortitzak izango dira. Abisu horia 13:00etatik 17:00etara egongo da indarrean.
Ordura arte, baina, giroa eguzkitsua izango da, goi-hodei batzuk agertu arren, eguzkia jaun eta jabe izango baita. Tenperatura maximoak nabarmen igoko dira, batez ere isurialde atlantikoan, eta, oro har, balio altuenak 28 eta 30 ºC artekoak izango dira.
Euskalmetek jakitera eman duenez, hego-ekialdeko haizea ibiliko da goizean, eta harro ibiliko da bereziki ekialdean.
Ostegunean, ildo beretik
Ostegunean, eguraldiak ildo beretik jarraituko du. Eguraldia lasaia eta eguzkitsua izango da berriro. Tenperatura maximoak zertxobait jaits daitezke kostaldetik hurbil, baina balio altuenak 30 ºC ingurukoak izango dira gainerako lekuetan.
Egunsentian, lanbro pixka bat sor daiteke, baina oskarbi egongo da gainerako orduetan. Haizea ahul ibiliko da, hego-haizea nagusituko da goizean, eta isurialde atlantikoan iparraldera egingo du arratsaldean.
Bestalde, ostegunean, beste bi abisu hori ezarriko dira: bata, goizeko hamarretatik arratsaldeko seiak arte nabigaziorako arriskuagatik 2,5 metroko olatuengatik, eta bestea, olatuak izateko arriskuagatik kostaldean. Kasu horretan, larrialdia 16:00etatik 18:00etara egongo da aktibo, itsasgorarekin batera. 2,5 metroko olatuak espero dira.
Ostiralean, tenperaturen jaitsiera
Ostiralean, behe-hodeien tarte hodeitsu batzuk sortuko dira berriro isurialde atlantikoko zenbait lekutan. Hegoaldean ez da horrelakorik izango, giro eguzkitsu eta garbiarekin jarraituko baitute.
Tenperatura maximoak jaitsi egingo dira, eta jaitsiera nabarmenagoa izango da isurialde atlantikoan; 25 gradutik beherako tenperaturak izango dituzte bertan. Haizea aldakor eta ahul ibiliko da hasieran, baina iparraldekoa nagusituko da eguerditik aurrera.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.