Hamahiru hildako, 24 zauritu eta 5 desagertu Murtziako diskoteka batean izandako sutean
Gutxienez hamahiru pertsona hil eta 24 zauritu dira (guztiek jaso dute jada sendagiria) igande honetan, goizeko seiak aldera, Fonda Milagros diskotekan (Murtzia) izandako sutean. Sua Las Atalayas aisialdirako guneko beste bi lokaletara zabaldu da, eta desagertuta dauden 5 pertsonaren bila ari dira oraindik.
Suhiltzaileak eusteko elementuak jartzen aritu dira erretako lokaletan, larrialdi-zerbitzuek segurtasunez lan egin dezaten, eta biktimen senideei DNA laginak hartzen hasi dira aurkitutako gorpuak identifikatzeko.
Diego Segal Murtziako Polizia Nazionaleko bozeramaileak hedabideen aurrean egindako agerraldi labur batean azaldu duenez, helburua da ahalik eta azkarren identifikatzea hildakoak eta ospitaleetan artatu dituzten zaurituak.
Murtziako alkate Jose Ballestak adierazi duenez, udalerri osoa "atsekabetuta eta jota dago gertatu denagatik".
Ballestak 19:30ean egin duen agerraldian baieztatu du 18 pertsona desagertutzat jotzen direla, baina 13 gorpuak agertu diren gunean, diskoteka bateko lehen solairuan, ez dutela gorpu gehiago aurkitu zehaztu du. "Inguru guztia miatu dute, eta oraingoz ez dago gorpu gehiago hondakinen artean", adierazi du alkateak.
Murtziako Udaltzaingoko ikuskatzaileen buru Jose Maria Mainarrek azaldu duenez, bost pertsona falta direla esan dute haien gertukoek, "baina ez dakigu ezer gehiago".
06:00ak inguruan abisua jaso ostean bertaratu dira Murtziako Udaleko Suhitzaltzeak eta Salbamendu Zerbitzuko (SEIS) suhiltzaileak, eta Segurtasun eta Larrialdietako Zuzendaritza Nagusiko helikopteroaren esku-hartzea eskatu dute. 09:00ak bitartean ez da beharrezkoa izan helikoptero hori erabiltzea, lurreko suhiltzaileen lana nahikoa izan delako sua itzaltzeko.
Era berean, Larrialdietako eta Larrialdi Sanitarioetako Gerentziako anbulantzia medikalizatu eta garraio-anbulantzia batzuk ere bertaratu dira zaurituak artatzeko. Lau dira orain arte zaurituen artean zenbatzen direnak, eta kea arnasteagatik artatu dituzte guztiak. Horietako bi ospitalera eraman dituzte.
Bestalde, Murtziako Udaltzaingoak ingurua itxi du. Besteak beste, Alacanteko errepide zaharra itxi dute.
Ballestak jakinarazi duenez, Udalak senideei laguntzeko gune bat prestatu du Kirol Jauregian. Bertan, Babes Zibila, Gurutze Gorria eta psikologoak senideak artatzen eta "ematen diguten informazioa jasotzen ari dira".
Azkenik, alkateak gogorarazi du Udalak hiru dolu-egun ezarri dituela eta hirian eta pedania guztietan zeuden jolas-jarduera guztiak bertan behera utzi dituztela.
Albiste gehiago gizartea
Hiru pertsona hil dira dagoeneko Espainiako suteetan
10.000 pertsona etxetik atera behar izan dira Estatuan suteengatik; Zamora, Leon eta Ourense kiskaltzen ari dira. 30 bat sute aktibo daude, horietatik 14 larriak, eta zortzi autonomia erkidego alertan daude sugarrengatik.
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.