Aita Mari gaur abiatuko da bere 11. misioan
Aita Mari euskal erreskate itsasontziak bere 11. misioari ekingo dio gaur, Burrianako portutik (Castello). Aurtengo hirugarrena izango da, eta zortzi profesional eta bost boluntariok osatuko dute tripulazioa. Europako kostaldera Mediterraneo itsasoa zeharkatuz iritsi nahi duten pertsona migratzaileak laguntzera aterako dira oraingoan ere, geldirik, matxuratuta edo arriskuan dauden ontzietan jarrita arreta. Jarduteko eremua Erdialdeko Mediterraneoa da, Italia, Malta, Libia eta Tunisiaren artean.
Euskal itsasontziak dena prest du portutik ateratzeko; Castelloko Itsas Kapitaintzak eman behar dion azken baimena besterik ez da falta.
Itsas Salbamendu Humanitarioa (SMH) gobernuz kanpoko erakundeak ohar batean azaldu duenez, "aurrekaririk gabeko testuinguru diplomatiko batean" abiatuko da misioa. Horrela, Europako Migrazio Itunak "giza eskubideen oinarrizko printzipioak larriki mehatxatzen dituzten xedapenak" biltzen dituela kritikatu du.
Krisi-egoeretan asilo-eskatzaileen tratamenduari buruzko erregelamendua, 40 astez muga-zentroetan epaiketarik gabe atxilotzeko aukera emango duena, "deriba kezkagarri horren adibide argia da", salatu duenez. "Neurri horrek linbo juridiko batean jartzen ditu pertsonak, non Europako lurra zapaldu ondoren, ukatu egiten zaie askatasunean itxaroteko oinarrizko eskubidea asilo-eskaerak prozesatzen diren bitartean", erantsi du gobernuz kanpoko erakundeak.
Gainera, itunak elkartasun-mekanismo bat ezartzen du, "etorkizun handikoa dirudien arren", gobernuek eurei esleitutako errefuxiatuak ez onartzea ahalbidetzen duena, isun baten ordez. "Ikuspegi horrek Europako elkartasuna zapaltzeaz gain, gure kontinentean babesa bilatzen dutenen bizitzak ere arriskuan jartzen ditu", aurpegiratu du.
"Kezkagarria da ikustea Europak, babesa behar duten pertsonentzat bide legal eta seguruak ireki beharrean, deportazio gehiago agintzen dituela", gaineratu du. Gainera, "Europar Batasunak akordio ekonomikoak sinatu ditu hirugarren herrialdeekin, inguruko erregimen autoritarioei ordainduz, migratzaileak eta asilo-eskatzaileak gure kostara iritsi aurretik atxilotu eta itzultzearen truke", nabarmendu duenez. SMHren hitzetan, "Europa ateak ixten ari da, eta segurtasuna eta babesa bilatzen dutenen bizitza arriskuan jartzen".
Horregatik guztiagatik, "ikuspegi gizatiarragoa eta solidarioagoa eskatu behar diegu Europan asiloa bilatzen dutenen alde", aldarrikatu du.
2023an egin dituen bi misioetan (urtarrila-martxoa, eta ekaina-uztaila) 300 pertsona erreskatatu ditu Mediterraneoan eta beste 162 pertsonari lagundu die. Guztira milatik gora dira Aita Mariko tripulazioak 2018tik erreskatatu edo lagundu dituen migratzaileak.
Zure interesekoa izan daiteke
Baso sute handia piztu da Imarkoainen
Sua 17:00ak baino apur bat lehenago piztu da, Iruñetik 10 kilometro eskasera dagoen zereal soro batean. Prebentzio neurri gisa, AP-15a itxita egon da bi orduz eta gertu dagoen trenbide katenariaren argindar hornidura eten dute. Haizea itzaltze lanak zailtzen ari da.
Ekainean 207 pertsona hil ziren Hego Euskal Herrian beroak eragindako gorabeherengatik, eta beste 27 uztaileko lehen lau egunetan
Carlos III.a Osasun Institutuaren Eguneroko Hilkortasunaren Monitorizazio Sistemaren (MoMo) datuen arabera, Estatu osoan 153 pertsona hil ahal izan dira azken lau egunetan beroaren ondorioz, eta ekainean ia 1.000 izan ziren tenperatura altuei egotz dakizkiekeen heriotzak.
Nafarroako Larrialdi zerbitzuetako langileak "oso pozik", herritarrek hala nahi izanda, txupinazoa botako dutelako
Urte osoan zehar, eta Sanferminetan bereziki, lana erruz egin arren, euren ahaleginak ez du beti merezitako aitortza jasotzen. Aurtengo txupinazoa botatzeko ardura eman diete herritarrek, eta festetako lanari gogoz ekiteko pizgarri izango da hori osasun langileentzat. Clint Fernandez Larrialdietako zuzendariordeak eta Araceli Sergio erizainak igoko dira Udaletxeko balkoira, Larrialdietako langile guztien izenean.
Baso sute handia piztu da Imarkoainen
Sua 17:00ak aldera piztu da Nafarroako udalerri horretako pinudi batean. Bi helikoptero ari dira itzaltze lanetan, eta nekazariak traktoreekin ari dira laguntzen.
Busti Zaitez ekimenak ehunka pertsona bildu ditu esklerosi anizkoitza ikusarazteko eta horren ikerketa bultzatzeko
Esklerosi Anizkoitzaren Fundazioak antolatzen du urtero ekimena, eta aurten bost hondartzatan eta dozena bat udal igerilekutan egin dute. Helburua da herritarrak sentsibilizatzea gaixotasun neurologiko kroniko honen inguruan eta gaixoentzat dirua biltzea.
PETAk eta AnimaNaturalisek tauromakiaren "bekatua" salatu dute Iruñean
Urtero bezala, elkarte animalistek zezenketen aurkako ohiko 'performancea' egin dute Iruñeko Udaletxe plazan. Ekintzari izaera katolikoa eman diote. Hala, Jesukristo odoleztatu bat paratu dute plazaren erdian, eta inguruan, hainbat pertsona erdi biluzik, gorputza pintura gorriz zikinduta eta adarrak buruan. Manifestariek tauromakia gaitzesteko eskatu diote Leon XIV.a aita santuari.
Urnietako mendizale bat hil da Pic du Midi d'Ossautik jaisten ari zela
24 urteko gaztea 20 metro inguruko altueratik erori da beste lagun batzuekin Pic du Midi d 'Ossaun behera zihoala. Urnietako Udalak "tristura eta samina" agertu du heriotzagatik, eta familiarekin harremanetan da behar duen horretan laguntzeko.
11 pertsona zauritu dira Gironako sutean
Bost bizilagun, bost suhiltzaile eta Armadako kide bat dira zauritutakoak. Suhiltzaileek ohartarazi dutenez, gaur behintzat ez dute sutea kontrolpean hartuko. Gaur goizean konfinamendua altxatu dute, eta etxera itzuli ahal izan dira ebakuatutako herritarrak.
Txupinazorako ordu gutxiren faltan, festak errespetuz eta segurtasunez igarotzeko deia egin du Joseba Asiron Iruñeko alkateak
Ordu gutxi barru festa lehertuko da Iruñean eta 2026 honetako sanferminen berritasun nagusiak aletu dizkio Joseba Asironek, Udaletxeko balkoian bertan, Maider Arteaga ETBko kazetariari. Errespeturako deia egin du, batez ere emakumeen askatasunarekiko. Jaien izaera herrikoiak iraun izanaz harro agertu da, bere zazpigarren eta legegintzaldiko azken sanferminen atarian.
Asteazkenera arte ez da Renferen trenik ibiliko Arrigorriaga eta Bilbo artean, lanak direla eta
Autobusez ari dira egiten bi udalerrien arteko bidea. Etenak Ibilbide Luzeko trenei eragiten die, Bilbo eta Miranda de Ebro artean. Basaurin, Bidebieta geltokia hobetzeko lanak egiten ari dira, eta horrek eragin du gorabehera.