Bi pertsona atxilotu dituzte Gasteizen, emakumeak prostituitzera behartzea leporatuta
Espainiako Poliziak bi pertsona, 68 urteko gizonezko bat eta 47 urteko emakumezko bat, atxilotu ditu prostituzio eta sexu esplotazio delituak egin dituztelakoan. Poliziaren arabera, zaurgarritasun egoeran zeuden biktimez baliatzen ziren horiek prostituitzera behartuta eta egoera horretan eutsiarazita.
Espainiako Gobernuak EAEn duen Ordezkaritzak ohar batean azaldu duenez, Atzerritarren eta Mugen Arabako Probintzia Brigadak abiatu zuen ikerketa. Talde horrek egiaztatu ahal izan duenez, biek ala biek zerbitzu sexualak eskaintzeko webgune bat kudeatzen zuten, eta emakumeei Gasteizko etxebizitza bat alokatzen zieten bertan lan egin zezaten.
Biktima ia guztiak atzerritarrak ziren, pobreak eta egoera irregularrean zeudenak. Bizirauteko eta euren familiei dirua bidali ahal izateko, euren borondatearen kontra prostituitu behar ziren.
Bi atxilotutakoek 13 orduko lanaldiak (11:00etatik 00:00etara) ezartzen zizkieten, atsedenik eman gabe. Biktimei telefono bana ematen zieten sexu zerbitzuak bertatik kudeatzeko, baina eguna amaitu orduko, sakelakoa itzuli behar zieten, esplotatzaileek deiak eta mezuak kontrolatzeko aukera izan zezaten.
Gainera, emakumeek irabazitako diru guztia eman behar zieten, eta zati bat bakarrik jasotzen zuten. Halaber, behin lanaldia amaituta, etxebizitza utzi behar zuten biktimek, hurrengo egunera arte.
Espainiako Poliziak hirugarren pertsona bat, 55 urteko gizonezko bat, ere atxilotu du emakume proxenetarekin diruaren truke (3.000 euro) ezkontzeagatik. Nonbait, emakumezkoaren egoera erregulatzeko trikimailua izan zen.
Atxilotu eta epailearen aurrera eraman ostean, hirurak kargupean aske daude, epaiketa noiz egingo zain.
Albiste gehiago gizartea
Giro nahasiarekin jarraituko dugu, eta abisu horian egongo dira Araban eta Nafarroan
Euri-zaparrada trumoitsuak espero dira arratsaldean, eta txingorra botatzeko arriskua ere badago. Dena den, badirudi ez direla bart bezain gogorrak izango.
Ikusi berriz uztailaren 12ko entzierroa
Entzierro azkarra, korrikaldi ikusgarriekin, eta tentsio uneak zezen plazan
Jose Escolar Avilako ganadutegiko zezenek aurtengo sanferminetako entzierro azkarrenetakoa korritu dute, garbia, korrikaldi ikusgarriekin, baina amaieran nahasi dena, zezen-plazan. Izan ere, zezenetako bat atzean geratu da bertan, eta korrikalariei oldartu bazaie ere, ez du minik egin, baina entzierroa bi minutu eta 40 segundora arte luzatu du. Jendetza elkartu da ibilbidean, larunbatetan izan ohi den legez, eta entzierroa bi minutu atzeratu da Santo Domingoko balkoi baten zati bat erori delako. Gizon bati erori zaio gainera, eta sorbaldan zauritu du. Gauean botatako euriak ez du Jose Escolarren animalien lasterketa mantsotu, eta ibilbidea irrist egin gabe osatu dute, erritmo konstantean, korrikalariei adar artean lasterraldi ederrak egiten utziz. Hirugarren urtea da jarraian ganadutegi honetako zezenek ez dutela adarkaturik uzten. Lehenengo balantzearen arabera, lau pertsona eraman dituzte kolpeengatik ospitalera, eta beste bat zezen-plazan bertan artatu dute.
"Hemen ez dago duintasunik eta laguntza behar dugu"
50 migratzailek asteak daramatzate Donostiako Amara auzoan kale gorrian lo egiten, asilo-eskaeraren erantzunaren zain. Gehienak Malitik iritsi dira gurera, bertako gerratik ihesi eta Frantziak kanporatu ostean.
Vuelingek bertan behera utzi ditu Bilboko aireportuan lur hartu behar zuten bost hegaldi
Bost hegazkin horiek Bilbotik egin behar zituzten irteerak ere bertan behera geratu dira.
Polemika Arrigorriagan, Udalak Vulkano orkestra jaietako programatik kanpoan utzi ondoren, "taldeko emakumeak hipersexualizatzeagatik"
Vulkano orkestrak zazpi aldiz jo du Arrigorriagan, baina aurten ez du joko Udalaren ustekabeko erabakiaren ondoren. Orkestrak, ohar baten bidez, adierazi du taldeko emakumeek libreki aukeratzen dituztela jantziak. Erabakiak polemika handia eragin du herritarren artean.
Arabako Foru Aldundiak 11.000 euroko isuna jarri dio aita bati Gasteizen arbitro bati eta entrenatzaile bati eraso egiten saiatzeagatik
Foru erakundeak halako zehazpen-proposamena abiatzen duen bigarren aldia da, eta, ziurtatu duenez, "irmo" jokatuko du aurrerantzean ere, "gertakariak garrantzitsuak eta larriak direlako".
Bertan behera utzi dute haur, gazte eta familientzako egitaraua Iruñean, baina gaueko kontzertuei eta su artifizialei eutsiko diete
Bertan behera geratu dira Menudas Fiestas, Birjolastu Juego Rejuego, Kirolari Sport Kids eta Foru plazako Gazte Eremuko programazioa. Hiriko auzoetan egitekoak ziren jarduerak ere bertan behera geratu dira, baita Ardantzeta Dantza Taldearen emanaldia ere.
50 gazte migratzaile inguru Amarako kaleetan lo egiten ari dira, asilo-eskaeraren erantzunaren zain dauden bitartean
Frantziako agintariek kanporatu egin dituzte, asiloa Espainiako Estatuan eskatu behar dutela argudiatuta; hori dela eta, Donostiako Udalak izapideak azkartzeko eskatu dio Espainiako Gobernuari.
Ertzaintzak gizon bat atxilotu du Orioko haur-patio batetik gertu, exhibizionismoa egotzita
Asteartean gertatu zen, uztailaren 8an, 16:00ak aldera, gizonezkoa adingabe batzuk zeuden esparrura sartzeko hesiaren ondoan zegoela.