Ziklogenesiak ia 140 kilometro orduko haize-boladak utzi ditu Getxon
Azaroarekin batera, Ciaran depresioa heldu da, eta, asteazken arratsaldetik aurrera, ziklogenesi leherkorra izango da protagonista. Haizeguneetan 120 km/h baino gehiagoko haize-boladek eta kostaldean 7 metroko olatuek alerta laranjapean jarriko dute lurraldearen zati handi bat.
21:00etan, alerta laranja ezarri du Eusko Jaurlaritzako Segurtasun Sailak, haize-boladek 120 km/h-ko abiadura gainditu ditzakeetelako haizeguneetan, eta 100 km/h-koa haizeguneak ez diren tokietan. Alerta osteguneko 03:00ak arte mantenduko dute, eta abisu horira igaroko da orduan egoera, 06:00ak arte.
Orain arte, Euskalmeten sarean boladarik bortitzena Galeako estazioan neurtu dute, Getxon (Bizkaia): 139 km/h-ko haize-bolada. Madrildik Bilbora zihoazen bi hegaldik jatorrira itzuli behar izan dute, azken orduetan izandako haize-bolada gogorren ondorioz. Gainera, Bilbotik irten behar ziren hiru hegaldi bertan behera gelditu dira, eta beste horrenbeste atzeratu egin dira. Zifra horiek areagotu egin litezke datozen orduetan, 15 hegaldi baitaude aurreikusita Loiuko aireportuan, asteazken honetarako.
Ostiral goizaldean, abisu horia ezarriko dute berriro, gauerditik 06:00etara arte, hego-mendebaldeko haize bortitzak antzeko egoera sortuko baitu, bereziki mendebaldean. Abisu horia ostiraleko 12:00ak arte izango da indarrean isurialde atlantikoan.
Nafarroako egoerari dagokionez, Aemetek abisu horia ezarri du gaur, asteazkena, 18:00etatik aurrera, isurialde atlantikoan eta Pirinioetan, 70-80 km/h ufadengatik. 110 km/h-ra irits litezke haizeguneetan.
Bihar, osteguna, Nafarroako lurralde osora zabalduko dute abisua, eta isurialde atlantikoan alerta laranja ezarriko dute. Haize-boladak 90 km/h-rainokoak izango dira bertan. Alerta 06:00ak arte egongo da aktibatuta.
Gainera, Nafarroako isurialde atlantikoan abisu horia ezarriko dute 18:00ak arte euriagatik, 12 orduan 40 mm pilatuko baitira, aurreikuspenen arabera.
Ipar Euskal Herrian, Meteofrancek abisu horia ezarriko du gaur, asteazkena, 19:00etan hasita, haizeagatik. Egunaren azken zatian eta ostegun osoan egongo da indarrean, baita prezipitazioengatik eta ekaitzengatik ere.
Oso egoera zaila itsasoan
Depresioak arriskua eragingo du itsasoan, nabigaziorako eta olatuengatik.
Olatuen altuera adierazgarria handituz joango da bihar, osteguna, goizaldean zehar, eta baliteke goizean 5 metrotik gorakoa izatea. Eguerdian 5-6 metroko olatuak espero dira, eta ostiralean are altuagoak izango dira: goizean, 6 eta 7 metro artekoak.
Ondorioz, lehen bi milietako nabigaziorako abisu horia ezarri dute ostegunean, 06:00etatik aurrera. 12:00etatik aurrera, alerta laranja aktibatuko da, ostiraleko 21:00ak arte.
Kostaldeko egoerari dagokionez, Segurtasun Sailak abisu horia ezarriko du osteguneko 12:00etatik ostiraleko 21:00etara. Mendebaldeko haize bortitzak olatu zipriztinak eragingo ditu kostaldeko pasealekuetan, bereziki itsasgoraren inguruan, eta olatuek itsasertza gaindi dezakete tarte laburretan.
Zure interesekoa izan daiteke
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak 7 urteko kartzela zigorra eskatu du akusatu nagusiarentzat, iruzurra egotzita.
Ikerketa batek melatoninaren kontsumo luzea bihotz gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina-gehigarriak hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ez direla bi miligramotik igotzen.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe zigorra eskatu du Fernando Izaguirrerentzat.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.