Kantabrian aurkitu dute urrian Pasaian "sare fantasma bat" utzi zuen arrantza-ontzia
Itsasontziak itsasoan dauden bitartean euren posizioaren berri ematen duen sistema bati esker (AIS), Guardia Zibilak Kantabrian topatu du Pasaiako portuaren kanpoaldean 700 metroko inguraketa sarea utzi zuen arrantza-ontzia.
Arrantzarako erabiltzen den sare hori urriaren 19an berreskuratu zuten, dartsenako bokalearen irteeran.
Abandonatutako arrantza-tresna horiei "sare fantasma" esaten zaie. Urteetan egon daitezke uretan ezkutatuta, eta tranpa hilgarri bihurtzen dira inguruko itsas faunarentzat.
Ikerketaren nondik norakoak
AIS sistematik abiatu zuen ikerketa Guardia Zibilak. Tamaina jakin bateko ontzi guztiek eraman behar izaten dute sistema hori, nahitaez, euren posizioa transmititzeko eta gertuko beste ontzi batzuekin talka ez egiteko.
Hala, ikertzaileek ikusi ahal izan zuten bi arrantza-ontzi bakarrik ibili zirela egun horietan sarea geratu zen lekuan, biak Kantabriakoak, eta, ondorioz, hainbat agente bertara joan ziren, ikertzen jarraitzeko.
Arrantza-ontzietako batek sarearekin ezbeharra izan zuela jakin zuten, arroka batzuetan kateatuta geratu baitzen, eta beste ontzi bati laguntza eskatu behar izan ziotela. Sarearen zati bat bertan geratu zen.
Halabaina, arrantza-ontziko arduradunek ez zieten gertakariaren berri eman agintariei, abandonatutako sarea segurtasunez berreskura zezaten, eta, hori dela eta, Guardia Zibilak arrantza-ontziaren arduradunak salatuko ditu Eusko Jaurlaritzaren aurrean eta zigor administratibo baterako proposatuko ditu, itsas arrantzari buruzko 6/98 Legea haustea leporatuta.
2021etik Pasaian berreskuratu duten bigarren "sare fantasma" da
Azken urteetan Pasaian erretiratutako bigarren "sare fantasma" izan da. 2021eko uztailean, Pasaiako badiaren bokaleko mendebaldeko bankan zegoen beste bat berreskuratu zuten, portutik Ulia mendirako irteeran.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.