Donostiako ikastetxe batek salatu du adingabeen txat batean pornoa eta gorroto-mezuak partekatzen ari direla
Donostiako Aldapeta Maria ikastetxeak ohartarazi duenez, DBHko ikasleak "whatsapp talde batean parte hartzeko gonbidapena" jasotzen ari dira. Talde horren edukia "oso desatsegina eta desegokia da adin horretako gazteentzat", eta gertatutakoa Ertzaintzan salatzeko eskatu die adingabeen gurasoei.
Itunpeko ikastetxe horrek ohartarazpen hori egin du, astearte honetan. DBHko bigarren, hirugarren eta laugarren mailetan ikasleak dituzten familiei bidali dien zirkular batean.
Idatzian, ikastetxeak azaldu du, "hainbat familiaren salaketari esker" jakin duela ikastetxeko "200 ikasle baino gehiagoko whatsapp talde batean" parte hartzeko gonbidapena jasotzen ari direla ikasleak.
"Talde horren edukia oso desatsegina eta desegokia da adin horretako gazteentzat, eta, beharbada, ez dute ikastetxeko ikasleek antolatuko, talde horiek sortuta beste helburu batzuk dituzten helduek baizik", azpimarratu du.
Ikastetxeak adin horretako gazteak dituzten familia guztiei dei egin die ohartarazteko "gonbidapen hori onartzea desegokia dela eta, hala badagokio, seme-alabekin telefonoa azter dezaten, talde horretatik berehala ateratzeko". Gainera, mugikorreko mezuak ezabatu gabe gertatutakoa "gertuen duten ertzain-etxean salatzera joateko".
Ez da gertatu den lehen aldia
Oharrak gogorarazi duenez, "ez da hau gertatzen den lehen aldia", eta Mossoek "12 urtetik beherakoekin" egindako txat baten ikerketari buruzko albiste baterako esteka jasotzen du. Txat horretan irudi pornografikoak, indarkeria eta gorroto-mezuak zeuden ikusgai.
Ikastetxearen esanetan, "teknologia berriek beste erronka bat gehitzen diote gurasoen lan zailari", eta, horregatik, "adi egotea" gomendatzen du, "gazteek teknologia hori eskuragarri duten uneari eta gazteek ematen dioten erabilerari".
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.