Santi Coca kasuko epaimahaikideak deliberatzen ari dira
Santi Coca auziko herri epaimahaiak esku artean du dagoeneko galdesorta eta kideak eztabaidatzen ari dira, epaitu dituzten lau gazteak errudun jotzen dituzten ala ez erabakitzeko.
2019ko apirilaren 28an hil zen adingabea Donostia Ospitalean, hiriko diskoteka baten kanpoaldean jipoia jaso eta bi egunera.
Atzo, epaimahaiko hamar kideek (bederatzi titular eta ordezko bat) 71 galderako galdetegi bat jaso zuten eta geroztik epaiaren inguruan deliberatzen ari dira.
EFE albiste agentziak eskuratu ahal izan duen informazioaren arabera, galdesortak lau zati ditu. Lehenengoan, egitate nagusien inguruko galderei erantzun beharko diete; bigarrengoan, defentsek planteatutako hainbat gairen inguruko iritzia eman beharko dute; hirugarrengoan, akusatuak errudun edo errugabe diren ebatzi beharko dute, eta, azkenik, laugarrengoan, akusatuak errudun direla erabakiz gero beste hainbat kontu zehaztuko dituzte.
71 galdera badira ere, epaimahaiko kideek ez dituzte guztiak erantzun behar, horietako batzuk aurrekoak frogatutzat emanez gero bakarrik erantzun behar direlako.
Akusatuak zigortzeko aldeko zazpi boto behar dira eta absolbitzeko, berriz, nahikoa da bostekin.
Fiskalak, akusazio partikularrak (Santi Cocaren familia) eta herri-akusazioak (Donostiako Udala) 15 urteko kartzela-zigorra eskatu dute akusatuetako bakoitzarentzat.
Bosgarren auzipetu bat aske geratu zen epaiketan, haren kontrako akusazio guztiak atzera bota ostean, lekukoek ez ziotelako ezer leporatu. Seigarren inputatu bat, "aljeriarra", berriz, justiziatik ihes eginda dago.
Akusazioek homizidio-delitu baten egilekidetzat jo ditu "behin-behineko doloagatik", eta nagusitasun larrigarria leporatu die lau auzipetuei. Halaber, bi lesio delitu ere leporatu dizkie Santi Cocaren anaiari eta lagun bati jotzeagatik.
Defentsa abokatuek, ostera, absoluzioa eskatzen dute.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.