Santi Cocaren heriotzagatik epaiketan deklaratu duten 5 akusatuek ukatu egin dute erasoan parte hartu zutela
Santi Cocaren heriotza argitzeko epaiketan, gaur deklaratu dute akusatuan aulkian esertzen diren bost gizonek eta guztiek ukatu dute erasoan parte hartu zutela. Testigantza horien ondotik, Gipuzkoako Fiskaltzak, Santi Cocaren familiak eta Donostiako Udalak erretiratu egin dituzte bost akusatuetako baten kontrako karguak, eta, ondorioz, epaileak aske utzi du.
Gipuzkoako Probintzia Auzitegian egiten ari den epaiketaren bederatzigarren saioan, bost akusatuek defentsa abokatuen eta epaimahaikideen galderei soilik erantzun diete. Seigarren auzipetuari, justiziatik ihes eginda dagoen aljeriarrari, leporatu diote erasoaren erantzukizuna.
Hasiera batean, Fiskaltzak eta biktimaren familiak osatzen duen akusazio partikularrak 20 urteko espetxe zigorra eskatu zuten haietako bakoitzarentzat eta herri akusazio gisa aurkeztu den Donostiako Udalak, berriz, 15 urte.
Gaurko saioan, aldeek behin betiko ondorioak aurkeztu dituzte. Hasierako eskariak aldatu eta erretiratu egin dituzte bost akusatuetako baten aurkako karguak, eta, ondorioz, epaileak absolbitu egin du eta aske gelditu da.
Halaber, Gipuzkoako Fiskaltzak, Santi Cocaren familiak eta Donostiako Udalak aldatu egin dituzte beste lau akusaturen aurkako karguak, eta hilketa delitua beharrean (20 urte) homizidio delitua (15 urte) leporatu diete, nagusitasun astungarriarekin.
Seigarren lagun bat ere auzipetu zuten, baina ihes eginda dago 2022ko urritik.
Ostiralean (09:30) ekingo diote berriro epaiketari.
Zure interesekoa izan daiteke
?fmt=webp-alpha&qlt=80)
Feminismoaren defentsak ez du adinik
Adin guztietako herritarrek bat egin dute martxoaren 8ko egunaren harira antolatutako mobilizazioetan, berdintasunaren alde. Gazteak kezkatuta agertu dira, sare sozialetan hedatzen den feminismoaren kontrako diskurtsoarekin. Emakumeak bat eginda egon daitezela aldarrikatu dute.
Lau lagun zauritu dira GI-2634 errepidean, Azkoitia parean, bi ibilgailuren arteko istripuan
Anbulantziak, suhiltzaileak eta Osakidetzako helikoptero bat bertaratu dira zaurituak artatzeko. Auto-ilara luzeak sortu dira inguruan.
Hiru adingabe atxilotu dituzte Gasteizen, bi gazteri eraso eta irain homofoboak egiteagatik
Biktimek agenteei jakinarazi diete hiru mutil hurbildu zaizkiela, lurrera bota dituztela eta hainbat ukabilkada eta ostikada eman dizkietela. Homosexualak izateagatik iraindu ere egin dituzte.
Feministek kaleak hartu dituzte "beste mundu bat" posible dela aldarrikatzeko
Manifestazio jendetsuak egin dituzte Euskal Herriko hiriburu eta herrietan. Mugimendu feministak "borroka eta antolakuntza" aldarrikatu ditu "eskuin-muturraren pilatze eta beldurraren ereduaren aurrean", eta abolizionisten "jarrera transfoboak" gaitzetsi ditu.
Martxa jendetsuak Euskal Herrian mugimendu feministaren alde
Milaka pertsona atera dira gaur, martxoak 8, Euskal Herriko hainbat hiri eta herritan kalera, mugimendu feministari babesa adierazteko. Martxa jendetsuak eta aldarrikapenez beteak izan dira, eta kaleak protesta kolektiborako agertoki bihurtu dira. Berdintasunaren aldeko aldarriak entzun dira, baita indarkeria matxistaren aurkakoak eta emakumeen eskubideen aldekoak ere.
Itaiak premiazkotzat jo du ultraeskuinaren mezu matxistei aurre egitea
Itaia Emakumeon Antolakunde Sozialistak Euskal Herriko 6 hiriburutan deitu ditu bilkurak. 'Emakume langileok askatzeko, sozialismoa eraiki' lelopean, salatu dute ideologia faxista indartzen ari dela ultraeskuinaren eta influencer misoginoen eskutik, eta, ondorioz, ideiak eta jarrera matxistak normalizatzen ari direla gizartean. Horri aurre egiteko premia dagoela gaineratu dute.
Nafarroako Gobernuak eta Parlamentuak gizonen eta emakumeen arteko berdintasuna eskatu dute
Nafarroako Gobernuko eta Nafarroako Parlamentuko ordezkariek elkarretaratzea egin dute Emakumeen Nazioarteko Egunean. Desberdintasunen aurka borrokatu eta "estereotipoei" aurre egiteko konpromisoa adierazi dute bertan.
Epaileak udaltzainak eta 112ko langileak deitu ditu deklaratzera Santanderko pasabideko ezbeharragatik
Martxoaren 27an hartuko die deklarazioa, eta pasabide hori barne hartzen duen ibilbideari buruzko dokumentazioa eskatu die Udalari eta Kosten Agintaritzari.
Astelehen honetan hasiko da Ekain Perrinori egin zioten eraso homofoboaren epaiketa
2021ean parke batean egindako erasoan, gaztea konorterik gabe utzi arte jipoitu zuten, iraintzen zuten bitartean.
Hainbat lagunek botilak jaurti dizkiete ertzainei Athletic-Bartzelona partidaren ostean
Istiluak 23:00ak aldera jazo ziren, San Mames estadioaren inguruan. Ez zen inor zauritu. Ertzaintzak ez du oraingoz atxiloketarik egin.