Sagarduik onartu du zenbait ospitale gainezka egon direla, baina soilik "momentu puntualetan"
Osasun sailburu Gotzone Sagardui izan dute gonbidatu Radio Euskadiko "Boulevard" saioan gaur, ostegunarekin, EITB Maratoiaren egun handian. Bertan, Euskadiko ospitaleen egoeraz jardun du sailburuak, eta, esan duenez, gaur den egunean ez dago zentro bakar bat jendez gainezka.
"Gaixo gehiago ari dira artatzen, garai honetan normala den moduan. Zenbait zentro gainezka egon dira, baina arreta bermatu dute, behin edo beste nahi baino atzerapen handiagoarekin", zehaztu du.
Ospitaleratzeengatik ohe kopurua handitzeko beharra izan duten ospitaleei buruz galdetuta, baten batzuk aipatu ditu: "Basurtukoa, Santa Marinakoa, Uribe Kostakoa, Gurutzetakoa eta Arabako ESIa. Donostiako Ospitaleak, adibidez, ez du horretarako beharrik izan".
Halaz guztiz, argitu du soilik kasu bakan batzuetan atzeratu dituztela ebakuntzak, "pazientearen osasun egoerak horretarako bermerik eman ez duenean", hain zuzen ere.
Gauzak horrela, azpimarratu du Osakidetzako ospitaleen sarea "normaltasunez" ari dela lanean, eta itxaron zerrendak ere "hobetzen" ari direla. "Zerrendak ez daude guk nahi bezain ondo, baina datuak 2022ko abuztukoekin alderatzen baditugu, hobera egin dugu nabarmen. Orduan, 84-85 eguneko itxaron zerrendak zeuden ebakuntzetarako; gaur egun, 59-60 egunekoak. Egia da, Gabon festetan gorabeherak izan daitezkeela, nahiz eta lanean jarraituko dugun pandemia aurreko datuak berreskuratzeko", nabarmendu du.
Anbulatarioen kasuan, atzerapena 2,7 egunekoa dela adierazi du. "1,5-2 egunekoa zen duela gutxi, beraz, sistema egokitzen ari da, alegia, bide onetik goaz", bukatu du.
Zure interesekoa izan daiteke
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.