Hezkuntza Legea datozen belaunaldiak euskalduntzeko "aukera galdua" dela deitoratu du Kontseiluak
Euskalgintzaren Kontseilua plataformak deitoratu du Hezkuntza Legea datozen belaunaldiak euskalduntzeko "aukera galdua" dela, gaur egungo hizkuntza ereduek indarrean jarraituko dutelako, eta, hortaz, haurrei euskara menperatzeko eskubidea urratuko zaielako.
Kontseiluaren ordezkariek, ELA, LAB eta Steilas sindikatuek eta zenbait hezkuntza- zein kultur-elkartek prentsaurrekoa eman dute, ostegunean Legebiltzarrean onartuko duten Hezkuntza Legearen aurka daudela erakusteko. Soilik EAJren eta PSEren aldeko botoekin aterako da aurrera legea, oposizioko alderdiek kontra bozkatuko baitute.
Araudi berriari jarraikiz, ikastetxeek eurek beren hizkuntz proiektuak sortzeko aukera izango dute, egungo ereduetan oinarrituta, hau da, A, B eta C ereduak kontuan izanda. Nolanahi dela, legeak arautzen du behin derrigorrezko hezkuntza bukatuta, ikasleen euskara maila B2ren parekoa izan beharko dela, eta ingelesekoa B1en parekoa.
Ereduen sistema horri eustea izan da EH Bildu eta hainbat hezkuntza- eta kultur-eragile —tartean Kontseilua bera— lege horretatik urrundu dituen arrazoia.
Euskalgintzaren Kontseiluak 20.000 sinadura aurkeztu zituen Legebiltzarrean, Hezkuntza Legea euskara oinarri duen eredu bakar baten inguruan ardaztu dadin.
"40 urteko esperientziak erakutsi digu ereduen gainean eratutako sistemak ez duela erabat euskalduntzeko balio, eta agerian geratu da segregazioari bide ematen diola, milaka umeri euskara menperatzeko eskubidea urratzen dielako", esan dute prentsaurrekoan irakurri duten testuan.
Halaber, berretsi dute hezkuntza ereduen sistemak ez duela B2 maila bermatzen. Horregatik, eskatu dute Administrazioak etengabe azter dezala helburu hori lortzen den ala ez.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.