Deban emakume bat hil zuen balak aurrez basurde bat zeharkatu zuela uste dute ikertzaileek
Joan den igandean Deban basurdeak ehizatzeko uxaldi batean parte hartu zuten 23 ehiztarietatik 6k bakarrik egin zuten tiro egun horretan. 75 urteko emakume bat hil zen, etxean zela, kanpotik egindako tiro bat jaso eta gero. Antza, tiroak lehendabizi basurdea hil zuen, eta bala, animaliaren gorputza zeharkatu ostean, etxeko leihotik sartu zen. Horixe da hipotesi nagusia, une honetan.
Josu Erkoreka Segurtasun sailburuak asteazken honetan Bilbon hedabideei adierazi dienez, Ertzaintzak ez du uste tiroa nahita izan zenik, baizik eta "ezusteko gertakari" bat izan dela eta "amaiera dramatikoa" izan zuela.
Erkorekak doluminak eta Eusko Jaurlaritzaren babesa helarazi dizkio biktimaren familiari, eta adierazi du uxaldiko ehiztarietatik 6k bakarrik egin zutela tiro egun horretan, eta 5 basurde hil zituztela, horietako 2k emakumea bizi zen eraikinetik gertu. "Hortik aurrera, ikerketa intentsitate handienarekin egiten ari da polizia zientifikoa eta balistikakoa, jaurtigaien ibilbideak aztertuz", eta, horretarako, droneak ere erabiltzen ari direla azaldu du.
Sailburuak azaldu duenez, oraindik emakumearen autopsia falta da, bala hilgarria jaurti zuen arma identifikatzeko, baita basurdeen nekropsia ere, batez ere etxetik gertuen dagoen ingurunean hildako bi animaliena.
"Badago bat sarrerako eta irteerako zuloa duena eta, beraz, gerta liteke, hipotesi bat da, eraikinean sartu zen bala animalietako bat zeharkatu zuen bala bat izatea. Hori ezin da baztertu, baina, edonola ere, ikerketa aurrera doa fronte horiek guztiak irekita", gaineratu du.
Erkorekak esan du oraingoz ez dagoela daturik pentsatzeko uxaldiak, Gipuzkoako Foru Aldundiak baimendutakoak, ezarrita zituen muga geografikoak gainditu zituenik eta etxebizitzen eremura hurbildu zenik, baina gaineratu du "noski kontuan hartuko dela" aukera hori ikerketan zehar.
Zure interesekoa izan daiteke
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea eta hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".