Ikerketa batek covid iraunkorra eragiten duen sistema immunologikoaren akatsa atzeman du
Koronabirusaren pandemia lehertu zenetik lau urte betetzear direnean, aurkikuntza garrantzitsua egin dute oraindik argitzeke dagoen eritasun baten harira: covid iraunkorra. Covid-19arekin kutsatzen diren pertsonen % 5ek pairatzen dute, epe luzerako hainbat sintoma garatuta. Gehienek neke kronikoa pairatzen dute, eta oraingoz ez dakite zerk eragiten duen eta ez dago tratamendu eraginkorrik.
Bada, egoera iraul lezakeen aurkikuntza egin berri du Zuricheko Unibertsitateko (Suitza) zientzialari talde batek. Science aldizkarian kaleratutako ikerketa batean erakutsi ahal izan dutenez, covid iraunkorra duten lagunek proteina sare batean disfuntzioak dituzte, eta horrek euren erantzun immunologikoan eragiten du. Hain justu, akats hori izan daiteke gaixotasunaren eragilea.
Ikerlariek koronabirusak jotako 113 pertsonaren eboluzioa jarraitu zuten urtebetean. Batzuek, 40k, covid iraunkorra garatu zuten; gainerakoek, ez. Horren aurrean, batzuen eta besteen odol analisiak erkatu zituzten, ezberdintasunak alderatzeko.
Lortutako emaitzak aztertuta konturatu ziren covid iraunkorra zutenek konplementu proteina-multzo handiagoa zutela. Proteina horiek lotura zuzena dute immunitate-sistemaren erantzunean.
"Covid iraunkorraren kasuetan, konplementu sistema ez da bere onera etortzen, eta aktibatuta jarraitzen du. Horrek gorputzeko zelula osasuntsuei ere egiten die kalte", azaldu du Onur Boyman Zuricheko Unibertsitateko zientzialariak.
Aurkikuntza horrek gaixotasunaren biomarkatzaile posibleak identifikatu ditu, eta horren diagnostiko eta tratamendua hobetzeko giltza eman dezake.
Zure interesekoa izan daiteke
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.