Zeropean esnatu da Euskal Herria
Ia Euskal Herri osoa, Bilbo Handia eta kostako txokoren bat kenduta, zeropeko tenperaturekin esnatu da. Iragarpenak bete egin dira, eta asko hoztu du bart. Hala, Araban neurtu dira tenperatura baxuenak: Agurain (-7,9), Altube (-6,6) eta Gasteiz (-4,6). Nafarroan ere, dezente jaitsi da termometroa: Aurizberri (-11), Etxarri Aranatz (-6,3), Iruñea (-2,1), Tutera (-2) eta Esa (-4).
Iragarpena
Tenperatura hotzagatik eta izotzagatik EAEn ezarritako abisu horia asteburu osoan zehar izango da indarrean. Gaur, larunbata, giro eguzkitsua izango dugu, baina hotz egingo du. Zerua hodei gutxirekin egongo da, gauean goi-hodei batzuekin. Hego-ekialdeko haizea ibiliko da, nahiko suabe. Lehenengo orduetako hotzaren eta izotzaren ondoren, giroa pixkanaka goxatzen joango da, eta tenperatura maximoak atzokoak baino 2-3 ºC altuagoak izango dira.
Bihar, igandea, tenperaturak gora egingo du. Giro eguzkitsua izango dugu. Arratsaldean eta gauean, erdi-mailako hodeiak eta goi-hodeiak ugaritu egingo dira. Hegoaldeko haizea ibiliko da, eta harrotu egingo da gauean, bolada gogorrekin haizeguneetan. Tenperatura maximoak igo egingo dira, bereziki isurialde atlantikoan. Tenperatura minimoak hotzak izango dira, eta barnealdean izotza egingo du, bereziki Araban eta Nafarroan.
Trafikoa
Trafikoari dagokionez, Euskadiko mendate guztiak zabalik daude, baina azken orduetako izotza dela eta, Eusko Jaurlaritzako Trafiko Zuzendaritzak 13 hauetan zuhurtziaz gidatzeko eskatu du: Aiurdin, Altube, Azazeta, Barrerilla, Bernedo, Garate, Gasteizko mendatea, Gatzaga, Herrera, Kruzeta, Opakua, Urduñako mendatea eta Zaldiaran.
Albiste gehiago gizartea
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".