Fiskaltzak 18 urteko zigor eskaerari eutsi dio bi etxegaberi aurpegia erretzeagatik auzipetutakoentzat
Fiskaltzak hasierako zigor eskaerari eutsi dio eta auzitegi medikuak epaiketaren gaurko saioan esandakoaren ondotik, 18na urteko kartzela eskatu du bi etxegaberi Gasteizen aurpegia erretzeagatik auzipetutako bi gizonetako bakoitzarentzat. Hain zuzen ere, auzitegi medikuak esan baitu biktimak hiltzeko arriskua "handia" izan zela.
Arabako Lurralde Auzitegian gaur egin dute epaiketaren bigarren eta azken saioa, 57 eta 60 urteko bi pertsonari 2019ko urriaren 16an esprai batekin eta metxeroarekin aurpegia erretzeagatik.
Biktimetako bat 2020ko azaroan hil zen erasoarekin zerikusirik ez zuten arrazoiak tarteko, eta bigarrena ez da epaiketara agertu.
Epaiketa hasi aurretik, hilketa saiakera bana leporatu zien Fiskaltzak bi akusatuei eta horregatik 18 urteko espetxe zigorra eskatu du bakoitzarentzat. Gaurko saioan, auzitegi medikuak esan ondotik biktimak hiltzeko arriskua "handia" izan zela, homizidio saiakera kalifikazioa mantentzea erabaki du fiskalak.
Bi biktimak glotiseko edema izan zuten, eta, hortaz, osasun langileen esku hartzerik gabe, hiltzeko arriskua zela izan zela adierazi dute gaur auzitegi medikuek. Gauzak horrela, homizidio saiakera kalifikazioa mantentzea erabaki du fiskalak, nagusitasun astungarriarekin, akusatuak biktimak baino askoz gazteagoak baitira.
Akusatuetako baten defentsak argudiatu du bere bezeroak alkoholarekiko mendekotasuna eta adimen desgaitasuna duela, eta gaur egun psikiatriko batean dagoela. Hori dela eta, elementu horiek salbuesle gisa aintzat hartzeko eskatu du, "errekuperatzeko laguntza behar duelako".
Bigarren akusatuaren abokatuaren esanetan, bere bezeroak ere alkoholarekiko mendekotasun "larria" du eta osasun mentaleko zentroetan egon izan da, "emaitza apalekin", artatu zuen psikiatra batek gaur epaiketan esandakoaren arabera. Defentsak homizidio saiakera delituagatik absolbitzea eta lesio delituagatik zigortzea eskatu du, beti ere aringarriak eta erasoa aitortu izana aintzat hartuta.
Azken saioan, bi akusatuek barkamena eskatu diete biktimei eta horien senideei, eta ziurtatu dute ez zela beraien helburua inori lesioak eragitea.
Epaiaren zain gelditu da bi etxegaberi Gasteizen 2019an egindako erasoari buruzko epaiketa.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.