Kontsumoa jaisten doan arren, THC kopuru handiagoa duen marihuana saltzen ari dela ohartarazi du Osasun Sailak
Kalamuaren kontsumoak beherantz egiten jarraitzen du, Jaurlaritzaren Adikzioei buruzko Inkestak azken datuen arabera. Dena dela, Itziar Larizgoitia Osasun Saileko Osasun Publiko eta Adikzio zuzendariak adierazi du azkenaldian Ertzaintzak atzemandako marihuanan THC —droga horren substantzia toxikoena— presentzia handiagoa topatu dute, eta horrek "kaltegarriago" bihurtzen du kalamua, adikzioa eragiteko ahalmen handiagoarekin.
Radio Euskadiko "Boulevard" saioan egindako elkarrizketa batean azaldu duenez, adikzioa sortzeko arriskua handiagoa da maizago kontsumitzen bada eta kontsumo hori arinago hasten bada, baina ondorioztatu duenez, "gaur egun merkatuan dagoen marihuana kontsumituta, adikzio arriskua duela urte batzuk baino handiagoa da", THCren kopurua handiagoa delako.
Adituaren esanetan, gehiengoak bestela uste badu ere, kalamua "ez da droga hutsala, kontrara, droga nahiko kaltegarria da", eta horren kontsumo ohikoa, batez ere adin txikikoen artean, "ondorio oso larriak eragin ditzake memoria ahalmenean, baita garapen kognitiboaren atzerapena, psikosia eta bestelako buruko nahasmenduak ere; ez da ahuntzaren gauerdiko eztula", azpimarratu du.
Gazteek (21 urte beherakoek), batez ere gizonezkoek, kontsumitzen dutela eta, azaldu du sistema immunologikoa ez dela 20 urteak bete arte garatzen amaitzen, eta hala, marihuana adin goiztiarretan kontsumitzeak "oso arriskutsu" bilakatzen duela droga hori.
Albiste gehiago gizartea
Gidari batek mugikortasun-agente bat aurretik eraman du, 5 metro arrastaka eraman ere, aparkalekura sartu nahi zuelako, Donostian
Agentea hiriburuko geltokian dagoen aparkalekuko sarreran zegoen, autoei sarrera galarazten, beteta baitzegoen. Une horretan autoak azeleratu eta parkingera sartzen saiatu zen, agentea aurretik eramanez. Autoaren gidaria atxilotu egin zuten.
Uda honetako beroak 41 heriotza utzi ditu orain arte Euskadin
Abuztu honetan, oraingoz, pertsona bakarra hil da Euskadin tenperatura altuen ondorioz. Heriotza hori udako bigarren bero-boladaren hasierarekin batera gertatu da, eta beroak luze joko du. Segurtasun Sailak hainbat abisu hori aktibatu ditu.
Jaurlaritzak diskoteketan atezain izateko betekizunak aldatzeko prozesua hasi du, Gasteizko Mitikan gazte bat hil ondotik
Gasteizko Mitika diskotekaren aurrean atezainak kolpea jota hil zen gaztearen gurasoek eskatuta, Eusko Legebiltzarreko gehiengo zabal batek Jaurlaritzari eskatu zion gaueko aisialdiko segurtasun pribatua arautzen duen legedia azter eta molda dezan, atezainek dituzten "jarrera oldarkorrak" saiheste aldera.
Bilbori Aste Nagusi usaina dario! Hasi dira txosnak muntatzen
Aurten, "Txosnak. Gureak, denonak" kanpainaren kolore arrosa izango da nagusi txosnaguneko dekorazioan, konpartsak eta txosnak Euskal Herriko ondare immaterial izenda ditzaten aldarrikatzeko. Bilboko Konpartsek azpimarratu dute txosnagunean ez dutela inolako erasorik onartuko.
"Erraz sar daiteke Cotolinon, ikuspegia polita da, baina arriskutsua da gauean"
Endika Martinez Kantabriako DYAko larrialdietako teknikari eta itsasoko operatiboen arduradunak Castro Urdialesko itsaslabarretik erori eta ospitalean hil den 12 urteko mutilaren erreskatearen nondik norakoak azaldu ditu.
Hiru gizon atxilotu dituzte Donostian, biltegi batean indarra erabiliz lapurreta egiteagatik
27 urteko bi gizon eta 29 urteko bat hartu ditu atxilo Ertzaintzak asteazken goizaldean, Intxaurrondo auzoan.
Bi atxilotu, 27 emakumeren irudi sexualak grabatzeagatik eta zabaltzeagatik
Biktimetako batzuk Nafarroakoak, Bizkaikoak eta Gipuzkoakoak ziren. Atxiloketak Errioxan eta Sorian egin dituzte. Askotariko metodoak erabiltzen zituzten bideoak lortzeko eta Telegram eta WhatsApp bidez partekatzeko, biktimen baimenik gabe.
Bilbotar bati 15.000 euroko iruzurra egin dio talde kriminal batek, bankuko datuak erabiliz
Gaizkileek finantza-erakundeko langileak zirela esan zioten biktimari, eta, guztira, 23 kargu egin zituzten haren txartelarekin.
Bizkaiko biztanleen % 73k dio konfiantza gutxi edo batere ez duela politikan
Ikerfelek egindako azterlan baten arabera, etxebizitza da kezka iturri nagusia bizkaitarrentzat, enplegua eta segurtasunik eza atzetik dituela.
Perez Iglesias, IBMren ordenagailu kuantikoaz: "Zientziaren munduan punta-puntan lan egiten duten pertsonak erakarriko ditu"
Eusko Jaurlaritzako Zientzia, Unibertsitate eta Berrikuntzako sailburu Juan Ignacio Perez Iglesiasek Radio Euskadiko "Boulevard" saioan adierazi duenez, IBMk aurten Donostian instalatuko duen superordenagailu kuantikoaren piezak dagoeneko Ibaetan dira. Sailburuaren ustez, "zientziaren munduan punta-puntan lan egiten duten pertsonak erakartzeko gunea izango da".