Ustez Ertzaintzaren jaurtigai batek larri zauritu zuen emakumea Neurologia Zerbitzuko gela batera eraman dute
Asteartean Donostian ustez Ertzaintzaren jaurtigai batek larri zauritu zuen emakumea Donostia Ospitaleko Zainketa Berezien Unitatetik Neurologia Zerbitzuko gela batera eraman dute, EITBk jakin duenez. Emakumea, 44 urtekoa, egonkor dago.
Hain zuzen ere, asteartean Anoetako inguruetan izan ziren istiluetan zauritu zuten emakumea, Txapeldunen Ligako Reala-PSG partidaren aurretik, baina hura ez zen istiluetan parte hartzen ari.
Lehen biktima honen senarrak Ertzaintzaren jokabidea salatu zuen Noticias de Gipuzkoa egunkarian. 44 urteko realzalea Ertzaintzak Madril etorbideko dorretik gertu egindako kargan zauritu zuten, larri, "jaurtigai batek" buruan egindako kolpearen ondorioz, senarrak dioenez.
Une horretan, Errondo pasealekua banatzen duen erdibitzailean bakarrik zegoen emakume horrek kolpe handia jaso zuen buruan, belarriaren parean eta 30 metro inguruko distantziatik.
Hasiera batean, futbol-zelaira sartu zen partidara ikusteko, baina bere egoera ikusita, Bidasoko Ospitalera eraman behar izan zuten lehenik, eta zaurien larritasuna zela eta, Donostia Ospitalera, gero.
Ostegunean, beste emakume baten salaketaren berri eman zuen Segurtasun Sailak. Hori ere Reale Arenatik gertu zegoen partida hasi baino lehen, eta Donostiako Udaltzaingoaren aurrean salatu zituen ustez bizkarrean izandako kolpe batek eragindako zauri arinak. Pertsona hori ere ez zen parte hartzen ari partidaren aurretik izandako liskarretan, Sailak onartu zuenez.
Bestalde, Sare Antifaxistak gaur X sare sozialean adierazi du dagoeneko hiru direla zauritutako emakumeak; izan ere, begi batean zauritutako beste emakume bat ere omen dago. Horren aurrean, ertzainen jokabidea "zentzugabea" izan zela salatu du.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.