Guggenheim eta Arte Ederren Museoa, besteak beste, doan maiatzaren 18an, Museoen Nazioarteko Eguna dela eta
Maiatzaren 18an ospatuko den Museoen Nazioarteko Egunaren egitaraua aurkeztu du astearte honetan Bizkaiko Foru Aldundiak. Euskara, Kultura eta Kirol foru diputatu Leixuri Arrizabalagak, Bizkaiko museoetako 30 ordezkari baino gehiagorekin batera, Bizkaiko pinakoteketan diseinatutako programazio "erakargarria eta askotarikoa" aurkeztu du.
Ohi bezala, museoetara sarrera doakoa izango da, eta aurten, berrikuntza gisa, Escape Room bat antolatu dute Bilboko Campo Volantin pasealekuan, Bizkaiko museoen aberastasuna ezagutarazteko eta ezagutzeko.
Arrizabalagak kultur gune horien garrantzia eta "gizartean duten eragina" nabarmendu ditu. "Museoak ondarea babesteko, kultura zabaltzeko eta ezagutza sortzeko lekuak dira, ikertzen eta hezten duten zentroak", azaldu du.
"Erakusketa, pieza, bisita edo tailer bakoitzaren atzean ikerketa lan garrantzitsua dago", gaineratu du.
Horregatik, Bizkaiak bat egiten du aurten ere ICOMek bultzatutako egunarekin, lurraldeko berrogei museo baino gehiagotan, museoen aniztasunean eta askotariko kultur eskaintzan arreta jartzeko. Aurten ospakizunaren leloa "Museoak hezkuntzaren eta ikerketaren alde" da.
Museoeneguna.eus webguneak, Bizkaiko museoen aniztasuna biltzeaz gain, museo bakoitzak bere Nazioarteko Eguna ospatzeko antolatu dituen jarduerak biltzen ditu.
Urteroko ospakizun horren helburua da museoak kultura-trukerako, kulturak aberasteko eta herrien arteko elkar ulermena, lankidetza eta bakea garatzeko bitarteko garrantzitsuak direla kontzientziatzea. Maiatzaren 18an Museoen Nazioarteko Eguna ospatzen da duela 40 urte baino gehiagotik, eta ekitaldiek eta jarduerek egun bat, asteburu bat edo aste osoa iraun dezakete.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.