Espainiako Auzitegi Nazionalak epaiketara bidali du Rubiales, Jenni Hermosori musua emateagatik
Francisco de Jorge Espainiako Auzitegi Nazionaleko epaileak auzitegietara bidaliko du Luis Rubiales Espainiako Futbol Federazioko presidente ohia, abuztuan Sydneyen (Australia) Munduko Txapelketako finala irabazi ostean Jenni Hermoso jokalariari eman zion sexu-eraso eta baimendu gabe emandako musuagatik egindako hertsaketa delituengatik.
Ia zortzi hilabeteko ikerketaren ostean, epaileak Rubialesi eta ikertutako beste hirurei epaiketa irekitzea erabaki du. Beste hirurak dira: Albert Luque gizonezkoen selekzioko kirol zuzendari ohia, Jorge Vilda emakumezkoen entrenatzaile ohia eta Ruben Rivera Federazioko marketin arduraduna.
Laurak akusatuen aulkian eseriko dira Auzitegi Nazionaleko Zigor arloko Epaitegi Zentralean, oraindik zehazteke dagoen data batean. Fiskaltzak bi urte eta erdiko espetxe-zigorra eskatu du Rubialesentzat, hiru auzipetuentzat baino bat gehiago.
Epaiketa noiz egingo den jakin arte, oraingoz Rubialesek 24 orduko epea du 65.000 euroko fidantza jartzeko, sexu-eraso delituagatik zigor daitezkeen erantzukizun zibilei aurre egiteko, epaileak asteazken honetan emandako autoan zehaztu duenez.
Bigarren delituagatik, hertsapenak, beste 65.000 euro jarri beharko ditu, baina kasu horretan beste hiru auzipetuekin batera.
Fiskaltzaz gain, Jenni Hermoso bera eta Espainiako Futbolarien Elkartea (AFE) ere akusazio gisa aurkeztuko dira, eta ministerio publikoaren kartzela zigor berberak eskatzen dituzte.
Hermosok, gainera, Rubialesi 500 metro baino gutxiagora hurbiltzeko edo harekin komunikatzeko debekua ezartzea eskatu du, eta 50.000 euroko kalte-ordaina erantzukizun zibilagatik, eta beste 50.000 euro gainerako akusatuekin ordaintzeko.
Prozedura hori alde batera utzita, Rubiales Majadahondako (Madril) epaitegi batean ikertzen ari dira, negozioetako ustelkeria eta administrazio desleiala egotzita, Federazioaren kontratuetan irregulartasunak egon zirelako hura buru zenean.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.