OCU Euskadik Lehen Mailako Arretan psikologia taldeak prestatzea eskatu du
Euskadiko Kontsumitzaileen eta Erabiltzaileen Erakundeari (OCU) premiazkoa iruditzen zaio psikologia taldea prestatzea Lehen Mailako Arretan, osasun mentalaren arreta ez dela nahikoa uste baitu, eta psikologo klinikoekin hobetu behar dela.
OCUk gogorarazi duenez, Eusko Jaurlaritzako Osasun Sailak txosten bat argitaratu du, eta bertan antidepresiboen kontsumoak gora egin duela EAEko herritarren artean adierazten du: 2014an, eguneko 1.000 biztanleko 58,56 dosi hartzen ziren, eta 2023an, berriz, 76; hau da, % 40 igo da. Txostenak gaineratzen du nahasmendu depresiboen prebalentzia handiagoa dela emakumeetan gizonetan baino, erakundeak azpimarratu duenez.
Gainera, OCUk ohartarazi duenez, Espainia "munduko liderra da benzodiazepinen kontsumoan". Egoera horren inguruan, "neurriak hartu behar direla" uste du, "hala nola benzodiazepinen preskripzio-protokoloak sistematikoki ezartzea lehen mailako asistentzia-mailan".
Erakundeak ohartarazi duenez, nahasmendu depresiboak, antsietate-nahasmenduekin eta somatizazio bidezko nahasmenduekin batera, "nahasmendu mental arruntak dira, eta herritarren artean gehien ematen direnen artean daude". Hala, MOEren arabera, helduen % 5ek depresioa dute mundu osoan, eta hori da desgaitasunaren arrazoi nagusietako bat.
Espainian, OCUk berriki egindako inkesta baten arabera, depresioa da gehien aipatu duten osasun mentaleko arazoetako bat (% 24), estresaren (% 42), insomnioaren (% 39) eta antsietate orokorraren (% 31) atzetik.
OCUk gogorarazi du, praktika klinikoko giden arabera, depresio-koadro arinak edo moderatuak psikoterapiarekin landu beharko liratekeela. Ildo horretan, osasun mentalaren arreta "ez dela nahikoa" uste du, eta Osasun Sistema Nazionalean psikologo kliniko gehiagorekin hobetzea eskatu du, bereziki Lehen Mailako Arretan.
Zure interesekoa izan daiteke
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.
AP-8ko sarbidea bost gauez itxiko dute Zarautzen, ordainlekuetan lanak egiteko
Mozketak astelehenetik ostiralera egingo dira, 22:00etatik 06:00etara.
Ertzaintzak dagoeneko identifikatu eta salatu du Zumarragan kontrol batetik ihes egin duen gidaria
Ikerketak lehen emaitzak eman ditu, agenteek 48 urteko gizonezkoa identifikatzea lortu baitute. Dena den, ez dute oraindik aurkitu, ezta atxilotu ere.
Hegoaldeko haizearekin eta 20 gradu inguruko tenperaturekin hasiko da astea
Asteazkenera arte, behintzat, ez da aldaketa handirik espero. Eguzkia eta udaberriko tenperatutak izango dira jaun eta jabe Euskal Herri osoan.
Zerbitzua etengo dute Bizkaia Zubian astelehenetik hilaren 22ra, ontziaren kableak aldatzeko
Zerbitzuak funtzionatzen ez duen bitartean, itsasadarra zeharkatzen duen txalupa-zerbitzua indartu egingo da, eta bi ontzi aldi berean ibiliko dira 06:00etatik 22:00etara, astelehenetik ostiralera.
"Niño Juan" askatu dute, ostiralean Madrilen bahitu ostean
Juan Maria Gordillo Plaza bizirik agertu da Madrilen, jipoia jaso izanaren zantzuak zituela.
Gizon bat atxilotu dute Sarrigurenen bere bikotekidearen alabari sexu-erasoa egitea egotzita
Eguesibarreko Udaltzaingoak atxilotu du ustezko erasotzailea.
"Niño Juan" bahitu dute Madrilen, 10 ertzain zauritu zituen lapur talde baten burua
Poliziaren esanetan, kontu-garbitze bat medio bahitu dute "Niño Juan", nahiz eta ez duten baztertu beste arrazoi batzuk ere egotea. Iaz, Garbera merkataritza-gunean lapur talde batek egindako lapurretaren buru izan zen bera.