Mobilizazioak Palestinaren alde eta Israeli boikota egitea aldarrikatzeko, Nakba egunean
Herritarrek, kolektibo profesionaletako kideek eta hainbat elkartek parte hartu dute asteazken honetan, Nakba eguna, Hego Euskal Herrian Palestinaren alde egin diren mobilizazio garrantzitsuetan, Israeli boikota egiteko eskatuz. Bilbon, Donostian eta Gasteizen 19:00etan izan dira protestak, eta Iruñean, berriz, bart gauerdian.
Euskal Herriko Unibertsitateko ikasleek eta langileek manifestazio bat egin dute, "Palestinako askatasunaren eta Israeli boikota egitearen alde", EHUko Ingeniaritza Eskolatik, 18:00etan, eta Bilboko Moyua plazan amaitu da, 19:00etan.
Bertan elkartu dira, kolektibo bakoitza bere pankartarekin, --denak Israeli boikota egitea eta Palestinaren askatasuna eskatuz—tartean, nekazariak, arrantzaleak, Osakidetzako langileak, kolektibo feminista, Ongi Etorri Errefuxiatuak edo Bilboko Konpartsak.
Ertzaintzako furgoneten begiradapean, manifestariak errepidera atera dira, eta martxa bat hasi dute Moyua plazaren inguruan.
Iruñean, mobilizazioa 00:00etan izan da, eta zuzi eta kandelekin martxa isil batek Nafarroako hiriburuko erdiguneko kaleak zeharkatu ditu gauean, Palestinako herriari elkartasuna adierazteko eta Israelgo Estatuari zigorrak ezartzea eskatzeko.
BDZ plataformak (Israeli Boikota, Desinbertsioak eta Zigorrak) deituta, ekintza honekin "1948ko maiatzaren 14tik 15erako gaua" gogorarazi nahi izan dute, "tropa britainiarrak Palestinatik irten zirenean, Israelgo okupazio indarrei bidea libre utziz".
"Israelen inpunitatea betikotzen duten konplizitateei aurre egiteko eta Palestinako herriari askatasunaren eta biziraupenaren aldeko borrokan babesa emateko" ekintzarako deia egin du BDZk ohar batean.
Era berean, "Gazak bizi duen genozidioari amaiera" ematea aldarrikatzeko, ELA, LAB, CCOO, UGT, ESK, CGT, Steilas, Solidari, EHNE, Etxalde eta Hiru sindikatuek bat egin eta mobilizazio dei bateratua egin dute datorren ostiralerako, maiatzak 17. 'SOS Rafah-STOP genozidioa' goiburupean, 12:00etan elkarretaratzeak deitu dituzte Euskal Herri osoko lantokietan eta hiriburuetan.
Dinamika honek jarraipena izango du larunbatean Iruñean, Basotxo kaletik 12:30ean abiatuko den manifestazio batekin.
Zure interesekoa izan daiteke
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da bi edo hiru urte zituen haurraren hilketa.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
Gizon batek emazte ohia hil du tiroz Zaragozan
Espainiako Gobernuaren ordezkariak jakinarazi du gizona kalean egon dela emakumearen zai tirokatuta hiltzeko.
Garazi eta Jon, maitasunarekin eta euskararekin engaiatuta
Korrikaren 387. kilometroa egin dute, Caparrosotik Valtierrara bidean, trajez eta zuriz jantzita, maitasunarekin eta euskararekin duten konpromisoa erakutsiz. Aurtengo irudi bitxietako bat utzi digu irailean ezkonduko den Zamudioko bikoteak.
Gero eta baso gehiago dugu Euskal Herrian: larreek zuhaitzei leku utzi diete
Lur Geroak baso-kudeaketa planak egin ohi ditu Nafarroako udalentzat. Izan ere, bertan mendi eta baso gehienak publikoak dira; Nafarroako udalek dute basoen % 80 ingururen jabegoa. Nafarroako araudiaren arabera, baso-kudeaketa planak finantzatzeko eskuduntza Foru Gobernuak dauka, baina udalek plan horiek onartu behar izaten dituzte eta askok herritarren parte-hartzea eskatzen dute. Aholkularitza enpresak, besteak beste, baso horiek modu sostenigarrian nola ustiatu proposatzen du; alegia, baso bakoitzetik zenbat egur atera daitekeen 10 edo 15 urtetan, basoak bolumenik galdu gabe. Horrez gainera, udalak behartuta daude mendian inbertitzera haien ustiapenetik (egurraren salmentatik edota lursailen alokairutik) jasotzen duten diruaren % 20. Inbertsio horiek nola egin ere aholkatzen du.
Pinutik eukaliptora: eraldatzen ari diren basoen erradiografia
Azken 30 urteetan, Araba, Bizkaia eta Gipuzkoako basoek hartzen duten eremuaren azalerak gora egin du. Ez da jauzi handia izan, baina bai joera-aldaketa bat. Gaur egun, zuhaiztiek EAEko zoruaren % 54,81 hartzen dute, eta presentzia gehien duen espeziea intsinis pinua da oraindik ere, nahiz eta % 17,81 atzera egin duen.
Teruelgo aireportua hegazkinez beteta dago, gerra dela eta ezin direlako Ekialde Hurbilera itzuli
Ostiralean, 10 hegazkin komertzial lurreratu dira, gehienak Qatar Airlines konpainiakoak. Teruelgo aireportua 140 hegazkinen aparkaleku izan zen pandemian.
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.