Gizonezko gazte bat hil dute Getxon, labankatuta, eta bost adin txikiko atxilotu dituzte
23 urteko gizonezko bat hil da bart Getxon, arma zuriz egindako erasoa jaso ostean, Eusko Jaurlaritzaren Segurtasun Sailak jakitera eman duenez.
Algorta auzoko Satistegi plazaren inguruan izan zen erasoa, larunbatean, 23:20 aldera. Taberna inguru batean, gazte batek beste bati arma zuriz egin zion eraso. Biktima larri zaurituta eraman zuten Gurutzetako ospitalera, eta bertan hil zen geroago.
Felipe zuen izena, eta 9 hilabete zituela ekarri zuten Kolonbiatik Euskal Herrira bizitzera. Ordutik, Algortan (Getxo) bizi zen izebarekin eta amonarekin.
Gauerdia baino lehentxeago, Ertzaintzak, Getxoko Udaltzaingoarekin batera, ustez erasoan parte hartu zuten bost adingabe atxilotu zituen Algortako metroko geltokian. Gainera, odol arrastoak zituzten bi labana aurkitu zituzten geltokian bertan dagoen zaborrontzi batean.
Hainbat iturrik zabaldu dutenez, atxilotuak hiru mutil eta bi neska dira.
EITBk jakin duenez, biktima urtebetetze ospakizun batera zihoala, lagunetako batekin eztabaidan hasi zen, eta atzetik egin omen zioten eraso. Antza denez, erasotzaileak biktimaren ezagunak ziren, eta urtebetetze jai batera zihoazen.
Ertzaintzak ikerketa abiatu du gertatutakoa argitzeko.
Elkarretaratzea Algortan
Atsekabetuta hitz egin du izebak EITBrekin. Ez dutela datu askorik esan du, ikerketa irekita dagoela eta auzitegiko medikuak lana amaitu zain daudela, gorpua jaso eta azken agurra emateko.
Ehunka lagun elkartu dira arratsaldean Algortan, biktima oroitzeko eta gertatutakoa salatzeko.
Goizean, Amaia Agirre Getxoko alkateak gaitzetsi egin du gertatutakoa: "Zoritxarrez esan beharra dago atzo gertatutakoa Getxon ez dugula onartzen, ez ditugula horrelako jokabideak onartzen, gaitzetsi egiten ditugula". "Getxo herri baketsua da, eta herri anitza da, eta gure artean bizikidetasuna landu egiten dugu egunero", erantsi du. Azkenik, "gertutasuna" helarazi dio biktimaren familiari. Ibilaldia abiatzeko ekitaldian egin ditu adierazpenok Agirrek, eta bertaratutakoek txaloak joaz egin dute bat hitz horiekin.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.