Ikastolen eta euskararen aldeko festan murgildu dira Getxon
Bizkaiko ikastolen aldeko jaia ospatzen ari dira gaur Getxon, Ibilaldia. San Nikolas ikastola dugu aurtengo jaia antolatzeko arduraduna, eta urtebeteko lanaren ostean iritsi da, azkenean, txonbo egiteko eguna, aurtengo leloak dioen gisan.
"Familia zein lagunekin euskaratik eta euskaraz ospatzeko eguna" izatea nahi dute antolatzaileek.
11:00etan egin dute irekiera ekitaldia. Bertan izan dira, Unai Arzubiaga San Nikolas ikastolako zuzendariarekin batera, Ikastolen Elkarteko, Eusko Jaurlaritzako, Bizkaiko Foru Aldundiko eta Getxoko Udaleko ordezkariak.
Jokin Bildarratz Hezkuntza sailburuak adierazi duenez, "egindako ibilbidea ospatzeko eguna da, baina baita etorkizuna ilusioz irudikatzeko unea".
Amaia Agirre Getxoko alkateak hitza hartu duenean, bart Getxon izandako gertaera lazgarria deitoratu du, eta nabarmendu du "Getxok ez duela horrelako jokabiderik onartzen", izan ere, "Getxo herri baketsua eta anitza da", eta babesa agertu die labankadaz hildako gaztearen senide eta lagunei.
11:00etatik 19:00ak arte, egitarau mardula prestatu dute San Nikolas ikastolako langile eta boluntarioek. Musika, dantza, kolore eta tradizio anitzez betetako programa batekin, euskal kultura eta ikastola ardatz hartuta, gazteen eta nerabeen parte-hartzea bultzatzeko. Horrela, ekitaldia udalerriko lau gune enblematikotara zabalduko da.
Lehen gunea San Nikolas ikastola bera izango da. Gune horretan, tradizioak modernitatearekin bat egin du, eta euskal musika eta dantza ikuskizunekin batera, Haur Hezkuntzako Topaketak, herri bazkaria eta askoz gehiago izango da bertan, guztion gozamenerako.
Bigarren gunea San Nikolas plazan eta inguruetan izango da, eta kontzertuak, kalejirak, antzerki emanaldiak eta artisautza erakusketa egongo dira bertan.
Algortako Portu Zaharrak hartuko du Ibilaldiaren hirugarren gunea, eta bertaratzen direnek askotariko ekintzak eta ikuskizunak aurkituko dituzte bertan, euskal musika taldeak zuzenean ikusteko aukera, besteak beste.
Laugarren gunea Ereagako hondartzan egongo da, eta familientzako aukera zabala eskainiko du. Horrela, haurrentzako egurrezko jolasak, zientzia tailerrak, 'Goazen' saioko kideen eta pailazoen ikuskizunak eta abar aurkituko dituzte gune horretan.
Eguraldia
Giroa goibelduz joango da igandean, eta tenperaturak behera egingo du, Euskalmeten arabera. Goizean, haizea ipar-mendebaldetik finkatuko da, eta zerua lainotuz joango da pixkanaka; behe-hodeiak kostaldean agertuko dira lehenengo eta barnealdera hedatuko dira gero. Baliteke hodei horiek zirimiria uztea han-hemenka, iparraldeko mendi inguruetan eta egunaren bigarren partean gehienbat. Tenperatura maximoak jaitsi egingo dira, eta 18-20 ºC-ren bueltan geratuko dira lurraldearen zati handi batean, baina baliteke altuagoak izatea lurraldearen hegoaldean, ostarteak nagusituko baitira bertan.
Zure interesekoa izan daiteke
Intentsitate altuko bigarren sexu-eraso bat izan da sanferminetan
Hala baieztatu du Joseba Asiron Iruñeko alkateak astearte goizean. Honekin, aurtengo jaietako bigarrena litzateke. Guztira, 25 salaketa egon dira; 22, ukituengatik.
Naturaren legea Cabarcenon: Zambi elefante eme mitikoa hil da, taldekideen arteko borroka baten ostean
50 urteko Zambi 1994an iritsi zen Cabarcenora Alemaniatik, eta parkeko emeen artean zaharrenetako bat zen. Gatazka astelehen honetan gertatu zen, kideen arteko hierarkia ezartzeko borroka batean; horrelako liskarrak ohikoak izaten dira. Lau kume izan zituen Zambik Chisco bere bikotekidearekin batera, eta biek ala biek funtsezkoak izan ziren parkeko ugalketa-programa arrakastatsuan.
Heriotza kopuruak % 3,7 egin du gora Euskadin 2025ean, 23.214 hildakorekin
Eustatek argitaratutako datuen arabera, 2024an baino 822 heriotza gehiago izan dira 2025ean Euskal Autonomia Erkidegoan, eta gorakada horrek eragina izan du EAEko hiru lurraldeetan. Heriotza-tasaren hazkunde hori 80 urtetik gorakoen taldean izan da bereziki, eta tumoreak dira heriotza-kausa nagusia.
Entzierroetako hesia kentzen hasi dira Iruñean, sanferminetako jaien amaieraren atarian
Sanferminetako zortzigarren eta azken entzierroa amaitu bezain pronto, hesia osatzen duten 2.700 taulak kentzen hasi dira Hermanos Aldaz zurgindegiko langileak. 365 egun besterik ez dira falta 2027ko sanferminetarako!
Subijanak Euskal Autonomia Erkidegoko Auzitegi Nagusiko presidente kargua berrituko du gaur
Iñaki Subijana EAEko Justizia Auzitegi Nagusiko presidentea izango da beste bost urtez, 2021eko apirilean eskuratu baitzuen lehen aldiz.
Bi adarkatu sanferminetako azken entzierro azkar eta arriskutsuan
Jandillaren zezenek 2 minutu eta 25 segundoan egin dute ibilbidea. Guztira, zazpi pertsona eraman dituzte Nafarroako Unibertsitate Ospitalera; bost, kolpeengatik.
48 urteko zigorra ezarri diete Panaman Eneritz Argintxona erandiotarra hiltzeagatik akusatutako bi gizonei
30 urteko zigorra bete beharko dute feminizidioagatik eta beste 18 larriagotutako lapurretagatik. Ertamerika zeharkartzen ari zen Argintxona 2024ko udan, eta uztailean hil zuten, Bocas del Toro artxipelagoan zegoela. Ikerketak argitu duenez, orain kondenatutakoek kolpatu egin zuten neska "bere gauzak kentzeko asmoz", eta heriotza eragin zioten.
Albiste izango dira: sanferminetako azken eguna, Iñaki Subijanaren kargu-hartzea eta Gorenaren epaiaren osteko erreakzioak
Gaurkoan Orain-en albiste izango direnen laburpena, bi hitzetan.
Bilboko Da Vinci diskotekako sabaia erori egin da
Bilboko Da Vinci pub ezaguna itxita dago, lokaleko sabaiaren zati bat behera etorri baita. Antza denez, etxebizitzako ur-hodi batek huts egin du eta sabaia erortzea eragin du. Behin-behinean, itxi egin dute diskoteka, eta konpontze-lanek bi hilabete iraungo dutela aurreikusi dute arduradunek. Zorionez, ez da zauriturik izan istripuan.
Joxerramon Bengoetxea: “Plazak behin-behinekoak dira, nahiz eta propio sortu zitzaien”
Joxerramon Bengoetxeak, Euskal Herriko Unibertsitateko errektoreak, adierazi du euskarazko kalifikazio baxuengatik errekurtsoa aurkeztu zuten ikasleentzako plazak "behin-behinekoak" direla, eta esan du "auto judizialetan jasota" dagoela. Horrenbestez, plaza horiek ez dute bermatzen Unibertsitatean jarraitzea; izan ere, euskarako notak batezbestekorako balioko balu, asko plazarik gabe geratuko lirateke. Gainera, errektoreak azaldu duenez, "normal" ari da aurrera egiten matrikulazio prozesua.