Europa ikastetxeak apartatu egin du ikasleei sexu erasoak egitea egotzita ikertzen ari diren irakaslea
Lau urteko lau neskaren familiak Getxoko Europa ikastetxeko irakasle bat sexu erasoengatik salatu dutela publiko egin ostean, hezkuntza zentroak oharra bidali die bertako guraso guztiei ikerketapean dagoen irakaslea apartatu egin dutela esanez.
Ikastetxearen oharra Ertzaintzak irakaslearen aurkako ikerketa abiatu duela jakinarazi ostean etorri da.
Gertatutakoaren aurrean Europa ikastetxeak dioenez, hezkuntzako ikuskariekin eta Poliziarekin elkarlanean ari da, "zantzuen berri izan duten lehen momentutik".
Atzo bilera egin zuten gertakarietan nahastutako ikasturteko familiekin, gertaturikoa azaltzeko eta ikastetxeak horren aurrean egindakoaren berri emateko.
Halaber, ikastetxeko baliabideak familien eskura jarri ditu, eta beharrezkoa bada, ez du baztertzen "baliabide gehigarriak erabiltzea behar den denboran".
Bestalde, ikastetxeak dio lanean ari dela, "ikasleak eta horien familiak babesteko", batetik, eta zabaldutako legezko prozedurak ez oztopatzeko, bestetik.
Haur Hezkuntzako familiak bilera batera deitu ditu arratsaldean. Zuzendaritzaren eta gurasoen arteko bilera tentsioz beteta egon da. Batzarretik aterata, kezka eta haserrea azaldu dute gurasoek, eta urduritasuna nabaria da. Antza denez, guraso batzuk seme-alabak ikastetxez aldatzea planteatzen ari dira.
Gaur goizean mezu bidez jakin dute irakaslea zentrotik baztertu dutela, baina guraso askok salatzen dute erantzuna beranduegi heldu dela.
Europa ikastetxeko El Tilo guraso elkarteak "errespetua eta begirunea" eskatu du biktima adingabeen familiekiko. Ohar batean, guraso elkarteak "babes eta elkartasun irmoena" adierazi die adin txikikoen senideei. Halaber, "komunitate gisa, errespetuzko eta zuhurtziazko" jarrera mantentzea eskatu du.
Elkarteak espero du ikastetxeko buruzagiek "ikerketa sakona" egitea gertakariak argitzeko eta ikasle guztien segurtasuna eta ongizatea bermatzeko.
Bien bitartean, elkarteak hedabideei eta iritzi publikoari eskatu die kaltetutako familien pribatutasuna errespetatzeko, eta "egiaztatu gabeko informazioa zabaltzea saihesteko".
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.