13 urte eskatu dituzte desgaitasuna duen emakume bati sexu erasoa egitea egotzita epaitu duten gizonarentzat
Arabako Auzitegiak gizon bat epaitu du asteazken honetan, Gasteizen adimen urritasuna duen emakume bati, bere bikotekidearen alabari, etengabe sexu-erasoa egitea egotzita. Fiskaltzak 13 urte eta 8 hilabeteko kartzela-zigorra eskatu du gizonarentzat.
Gertakariak 2021eko urrian izan ziren. Akusatuaren eta lekukoen deklarazioaren arabera, 60 urte inguruko gizona eta 34 urteko emakumea bakarrik geratzen ziren etxean biktimaren ama eta akusatuaren bikotekidea goizeko 5etan lanera joaten zenetik neska 9:00etan zentro okupazional batean sartzen zen arte.
Biktimaren deklarazioaren arabera, bakarrik geratu zenean egin zion sexu-erasoa akusatuak. Biktimaren esanetan, onartzen ez bazuen, jotzearekin mehatxatzen zuen, baina zehazki ez du gogoratu zenbat aldiz gertatu ziren sexu-eraso horiek.
Zentro okupazionaleko arduradun batekin erosketak egiten ari zela irten zen argitara gertatutakoa; izan ere, denda batean, bularretakoa jantzi ezinik zebila eta, begiraleak nork janzten zion galdegin zion eta honek akusatuaz hitz egin zion, eta ez zitzaiola gustatzen erantzun zion.
Begiraleak egoeraren berri eman zion berehala zentroari, eta arduradunak emakumearekin bildu ondotik, amari deitu zioten bertaratzeko eskatuz. Ez zen joan zentrora, baina hurrengo egunean, amak zuzenean gaiaz galdetu zion alabari, eta alabak gertatutakoa kontatu zion. Gizonezkoak emazteari esan zion nola sinets zezakeen halakorik, baina goiz hartan bertan etxetik aldegin zuen gizonak.
Biktima joaten zen zentroko lekukoek eta perituek nabarmendu dutenez, biktimak gertakarien kontaketari eutsi zion, nahiz eta batzuetan bertsioak zertxobait aldatu. Medikuek azaldu dutenez, biktimak pairatzen duen adimen-urritasunak sexu-harreman bat izateko askasunari eragiten dio.
Akusatuak gertatutakoa ukatu du eta biktimarekin inolako harreman sexualik izan ez zuela adierazi du.
Fiskaltzak 13 urte eta 8 hilabeteko espetxe-zigorra eskatu du, sexu-eraso delitu jarraitua eta bizikidetza eta desgaitasuna astungarria egotzita. Akusazio partikularrak 15 urtera igo du eskaera, eta defentsak, berriz, absoluzio askea eskatu du, biktimaren testigantza beste frogarik ez dagoela eta adimen-urritasunak baldintzatuta dagoela iritzita.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.