Dena prest Gasteizen, Andre Maria Zuriaren jaiei hasiera emateko
Gaur arratsaldean hasiko dira Gasteizko Andre Maria Zuriaren jaiak, Zeledonen jaitsierarekin. Aurtengoa, gainera, berezia izango da, Iñaki Kerejazu lehen aldiz arituko baita Zeledon gorpuzten. Arratsaldeko seietan izango da jaitsiera, eta zuzenean jarraitu ahal izango da ETB2n eta eitb.eus atarian.
Sei eguneko jaia lehertuko da Zeledon jaistearekin batera, eta Gasteizko Udalak 400 ekitaldi baino gehiago antolatu ditu egun hauetarako.
Musika alorrean, Zetak, Esne Beltza, Luz Casal, Doctor Deseo, Los 40 La Blanca eta Nil Moliner izango dira Foru plazan. Kontzertu guztiak gauerdian hasiko dira.
Modus Operandi, Süne, Sara Zozaya eta Kalakan Aihotz plazan arituko dira. Falerina Lorategian, bestalde, bertako taldeen emankizunak izango dira. Ohikoa denez, Plaza Berrian, orkestra handiak arituko dira gauero, eta Probintzia plazan askotariko ikuskizunak eskainiko dituzte.
Prado parkean, 'Umorearen Txokoa' jarriko dute, eta hainbat artistaren monologoak izango dira bertan entzungai.
Etxeko txikienek gozatzeko aukera ugari izango dituzte Arriagako parkeko haurren gunean, eta Peñafloridako Kondearen plazan, berriz, ikuskizunak. Fernandez de Pierola apezpikuaren lorategietan diskoteka txikia egongo da, eta erraldoi eta buruhandien konpartsaren kalejira, egunero.
Albiste gehiago gizartea
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.