Alerta laranja ezarri dute iganderako Hego Euskal Herrian tenperatura altuengatik
Eusko Jaurlaritzak eta Foru Erkidegoko Gobernuak alerta laranja ezarri dute iganderako Euskadin eta Nafarroan, tenperatura altuak espero direlako, uda osoko astebururik beroenean. Alerta 13:00etatik 21:00etara egongo da indarrean.
Euskadin, 40 gradu inguruko tenperatura izango da isurialde atlantikoaren barnealdean, 27-28ra iritsiko dira Gorbeiako Gurutzean eta mendi inguruetan, 39ra transizio eremuetan eta 40ra Ebro inguruetan.
Bestalde, Nafarroan, tenperatura are altuagoak espero dira, eta 41 gradura irits daitezke Erriberan, 39ra erdialdean eta 38ra Pirinioetan. Gainera, baso-suteak izateko arriskua "oso altua" edo "muturrekoa" da lurralde osoan.
Jose Antonio Aranda Euskalmeteko arduradunak Radio Euskadin adierazi duenez, larunbatetik iganderako gaua oso beroa izango da, eta tenperaturak igotzen jarraituko du igandean. "Bero handiko eguna izango da, asko berotuko du. Egun bat baino ez da izango, baina tenperatura oso altuak izango dira", adierazi du.
Igande arratsaldean, ipar-mendebaldeko haizea sartuko da, eta horrek giroa freskatuko du kostaldetik barnealdera, Arabako Errioxan izan ezik.
Astelehenari begira, abisu horia aktibatuko da gauerditik 20:00etara tenperatura altu iraunkorrak izateko arriskuagatik.
Albiste gehiago gizartea
Oñatiko Larraña Etxeak 20 herrialdetako 100 errefuxiatu hartzen ditu
Zehar-Errefuxiatuekin elkarteak kudeatzen du zentroa. Plataformak salatu du Atzerritarrei buruzko Araudiaren erreforma berriak nazioarteko babesa eskatzen duten pertsonak “zigortzen” dituela. Euskadin, 3.633 pertsonak eskatu dute nazioarteko babesa 2025ean.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.