Natura lehengoratzera behartzen duen Europako legea, indarrean
Europako Batzordeak iragarri duenez, indarrean sartu da natura lehengoratzeko legea, habitatak beren egoera naturalera itzultzeko helburua duen Europar Batasunaren araua. Ekainaren erdialdean onartu zen, hilabete batzuk geldirik egon ondoren Kontseiluan adostasunik ez zegoelako.
Legearen bitartez, EBk helburutzat jarri du gutxienez lurren eta itsasoko eremuen % 20 berreskuratzea 2030erako, eta behar duten ekosistema guztiak berreskuratzea 2050erako. Horretarako, basoak birpopulatzea, basamortuak hezetzea eta ibaiak berezko ibilgura itzultzea aurreikusten dute, besteak beste.
Hala ere, nekazariak beldur dira lege horrek sektoreari murrizketa handiak ezarriko ote dizkion. Batzordearen arabera, EBko estatu bakoitzeko gobernuari dagozkio estatu bakoitzean aplikatu beharreko neurriak zehaztea.
Gaur egun, habitaten % 80 inguru egoera txarrean daude, EBko datuen arabera. Horren esanetan, lurren % 70ek egoera osasungaitza dute, eta erle eta tximeleta espezieen % 10 desagertzeko mehatxupean daude.
Gehiengo estuarekin onartu zen legea, eztabaida luze eta sutsua izan ondoren, Austriak jarrera aldatzeari esker, hasierako testuaren bertsio leundu baten alde bozkatu baitzuen azkenean.
Horrela, bada, biodibertsitateari buruzko Europako lehen lege honek aurrera egin du 20 estatu kideren aldeko botoarekin, Belgikaren abstentzioarekin eta Finlandia, Italia, Hungaria, Polonia, Suedia eta Herbehereetako gobernuen gaitzespenarekin, gastu handia eta nekazaritzaren sektorean izan dezakeen eragina argudiatuta.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.