Espetxean sartu dute, fidantzarik gabe, Munetan gazte bat labankadaz oso larri zauritu zuen gizona
Munetako (Nafarroa) jaietan gazte bat labankadaz zauritu zuen gizona behin-behineko espetxealdian sartu dute, fidantzarik gabe. Lizarrako lehen instantziako eta instrukzioko epaitegiak hilketa saiakera, armak edukitzea, mehatxuak eta tratu txarrak leporatzen dizkio.
Erasoak oso larri utzi du 22 urteko gaztea. Herriko jaietan, irailaren 8an, igandeko 06:00ak aldera, ikertuak bi talderen arteko borroka baten erdian sastakatu zuen biktima, "hiltzeko asmoz", eta, ondoren, etxera joan zen, aire konprimatuko karabina bat hartu zuen eta tiro egitera itzuli zen. Epailearen autoaren arabera, han zeuden beste pertsona batzuk ere apuntatu zituen.
Hainbat tiro egin zituen airera, lagunak gelditzea lortu eta ospitalera eramatea erabaki zuen arte. Ospitalera bidean zeudenean, ikertuak lagunari esan zion "amaren etxea odolez beteta" utzi zuela, eta biktimari "ziztada" eman ziola; gero, "txantxa bat" zela esan zuen.
Foruzaingoak 53 arma aurkitu ditu bere etxean, arma-lizentziarik ez duen arren, eta ez daude erregistratuta bere izenean.
Biktimak Nafarroako Unibertsitate Ospitaleko zainketa intentsiboetako unitatean jarraitzen du.
Zure interesekoa izan daiteke
Donostiako Arrazakeriaren aurkako Martxak erroldatzeko eskubidea aldarrikatuko du
29. edizioak Trintxerpe eta Donostia zeharkatuko ditu, "Erroldarik gabe ez naiz existitzen" lelopean.
% 77,8ra igo da Euskadi anitz batean bizi nahi duten herritarren kopurua
Ikuspegiren azken txostenaren arabera, herritarren % 24,2k onartu du azken urtean diskriminazio-egoeraren baten lekuko izan direla eta % 14,6k diskriminazio motaren bat jasan duela aitortu du, lanpostu bat edo alokairuko etxebizitza bat lortu nahi izan duenean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
CCOO sindikatuak ez du lekukorik eramango aurtengo Korrikan
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.