EAEko adingabe gehienak telebistan eta sareetan informatzen dira; ia erdiek ez dute faltsua dena bereizten
Euskal Autonomia Erkidegoko nerabeen % 54k telebista erabiltzen dute informatzeko, ia sare sozialen maila berean (% 46,5), eta ia erdiek onartzen dute zailtasunak dituztela albiste faltsuak identifikatzeko; are gehiago, bostetik batek ez du informazioa kontrastatzen albistea faltsua izan daitekeela uste arren.
Save the Children gobernuz kanpoko erakundeak egindako "Desinformazioa eta gorroto diskurtsoak ingurune digitalean" txostenaren arabera, adin txikikoek senideen edo lagunen bitartez jasotzen dute informazioa, batik bat.
Sare sozialei eta eduki sortzaileei dagokienez, nerabeen % 16k uste dute informazio iturri fidagarriak direla beti, eta hirutik bi dira, berriz, kasu jakin batzuetan fidagarriak izan daitezkeela pentsatzen dutenak.
Adingabeen % 45ek, gainera, ez dakite egiazko informazioa eta faltsua bereizten, eta bostetik batek ez du kontrastatzen, faltsua izan daitekeela uste arren. Informazioa kontrastatzen dutenen kasuan, erdiek lagun eta senideengana jotzen dute horretarako.
Bizitza eta edertasun eredu idealizatuen etengabeko esposizioak gaztetxoen ongizate emozionalean dituen arriskuez ere ohartarazi du Save the Childrenek.
Eduki sortzaileei lotuta, ikerketak aldeak antzematen ditu mutilen eta nesken artean. Lehendabizikoek, oro har, jarraitzaile gehiago dituzte eta jokabide arriskutsuak izaten dituzte (iruzkin sexual errepikariak partekatzea, pornografiaren usadiozko erreferentziak egitea, droga kontsumoa eta jazarpen jarrerak banalizatzea, kasu). Emakumezko eduki sortzaileek (streamer) askoz jarraitzaile gutxiago dituzte gizonezkoen aldean, eta sarritan era guztietako erasoak jasan behar izaten dituzte, besteak beste, sexu abusuen biktimak defendatzeagatik, bikotekide ohi baten tratu txarrak ikusarazteagatik, edota estereotipoak ez betetzeagatik (makillajea, depilazioa, etab.).
Hori guztia dela eta, Haurrak eta Nerabeak Indarkeriaren aurrean Babesteko lege organikoan jasota dauden neurri guztiak aplikatzea eskatu du Save the Children erakundeak, ingurune digitala gune segurua izan dadin. Halaber, emakumeen eta gizonen arteko berdintasunean oinarritutako hezkuntzaren alde egin du.
Save the Childrenen ikerketaren oinarria 292 neraberi EAEko sei ikastetxetan egindako inkestak dira. Gainera, sektoreko adituek eta profesionalek ez ezik, teknologiarekin arazoak dituzten gazteekin lan egiten duten gizarte langileek eta web-zerbitzuen sortzaileek parte hartu dute.
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.