Azaroaren 26an egingo dira EHUko errektorea aukeratzeko hauteskundeak
Euskal Herriko Unibertsitatearen Gobernu Kontseiluak errektoretza berria aukeratzeko hauteskundeak deitu ditu ostegun honetan, eta prozesuak izango duen egutegia kaleratu du. Urriaren 9an zabalduko da hautagaitzak aurkezteko epea, bozketa eguna azaroaren 26an izango da eta abenduaren erdialdean izendatuko dute errektore berria.
Bien bitartean, hainbat epe izango ditu prozesu osoak:
Hautagaitzak aurkezteko epea urriaren 9tik 29ra bitartean izango da. Gaur gaurkoz, jakinekoa da gutxienez bi hautagai lehiatuko direla hauteskundeetan: Eva Ferreira egungo errektorea eta Joxe Ramon Bengoetxea, Zuzenbidearen Filosofian katedraduna. Alabaina, epe horretan hautagaitza gehiago ere aurkez daitezke.
Azaroaren 7an aurkeztutako hautagaitzen jakinarazpen ofiziala egingo da.
Ondoren, hauteskunde kanpainaren garaia hasiko da, azaroaren 8an, eta hilaren 24an bukatu. Tarte horretan, azaroaren 11an hain zuzen ere, unibertsitateko Klaustroa bilduko da, hautagaiek euren programak bertan azaldu ditzaten.
Hauteskundeak azaroaren 26an izango dira. Egun horretan hautagaitzetako batek zenbatutako botoen erdia edo gehiago lortuko balu, ez litzateke bigarren itzulirik beharko errektorea izendatzeko. Kasu horretan, errektore berria abenduaren 3an izendatuko lukete.
Alabaina, inor ez bada boto haztatuaren erdira iristen, bigarren itzulia egingo da, abenduaren 3an. Kasu honetan, boto haztatu gehien bereganatu dituzten bi hautagaitzak lehiatuko lirateke eta errektore berria abenduaren 11an izendatuko lukete.
Zure interesekoa izan daiteke
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.
Salbuespenezko egoera deklaratu du berriro Bizkaiak, inoren kargura ez dauden adingabe migratzaileak hartzeko
Neurri horri esker, aldi baterako egoitza-baliabideak gaitu ahal izango dira, lurraldera iristen diren adingabeen arreta bermatzeko eta lehendik tenkatuta dagoen sarea arintzeko.