Espetxera bidali dituzte Barakaldoko tiroketarekin lotuta atxilotutako lagunetatik bost
Igandean Barakaldon izan zen tiroketarekin lotura zutelakoan atxilotuetako zazpi lagunetatik bost, hiru gizon eta bi emakume, espetxera bidali ditu Barakaldoko 4. Instrukzio Epaitegiko titularrak. Behin-behineko espetxealdi komunikatua eta fidantzarik gabea ezarri die. Autoaren arabera, erailketa-delitu bat eta bi erailketa-saiakera delitu dira egozten zaizkien egitateak.
Seigarren atxilotu bat askatu dute, behin-behinean, fidantzarik gabe, eta aldian-aldian eta deitzen dioten guztietan epaitegira joan beharko du.
Halaber, epaitegiak kautelazko neurriak ezarri dizkie seiei: debekatuta dute suzko armaz zauritu zirenekin komunikatzea eta 500 metro baino gutxiagora hurbiltzea.
Ertzaintzak epailearen esku utzi ditu asteazkenean atxilotutako zazpi lagunetatik sei, beharrezko eginbideak amaitu ostean, Barakaldoko epaitegiko titularraren aurrean deklaratu dezaten. Zazpigarrena ospitaleratuta dago, atxilotu gisa, eta oraindik ez diote deklaraziorik hartu.
Ertzaintzak 30 eta 58 urte bitarteko bost gizon eta bi emakume atxilotu zituen igandean, Barakaldoko tiroketan nahastuta zeudelakoan. Halaber, zortzigarren pertsona bat (gizonezkoa) atxilo hartu zuten Gurutzetako Ospitalean, agintaritzari desobeditzea egotzita. Izapideak amaitu ondoren, ordea, aske utzi zuten.
Astelehen arratsaldean atxilotuen etxebizitzak miatu zituzten, froga bila, haietako batzuk bertan zirela. Segurtasun Sailak jakinarazi duenez, miaketa horietan arma ugari atzeman zituzten: bost eskopeta, bi errebolber, pistola bat, hainbat kalibretako munizioa, labana automatikoak, matxeteak eta bestelako arma zuriak.
Igande arratsaldean Barakaldoko Burtzeña auzoko bi familiaren artean izandako liskar batean gizon bat hil eta bi pertsona zauritu ziren. Bi zaurituek (adin txikiko bat tartean) Gurutzetako Ospitalean jarraitzen dute.
Lehen unean, Ertzaintzak 36, 38 eta 26 urteko hiru gizon atxilotu zituen, borroka gertatu zen lekuan. Gerora, lau pertsona gehiago atxilotu zituen.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.