Aintzane Pujana hiltzea egotzita akusatutako emakumea "tratu txarrak jaso dituen biktima" da, aitaren ustez
2021eko urtarrilean Aizarnazabalen Aintzane Pujana labankadaz hiltzeagatik akusatutako emakumea izan dituen bikotekideen "biktima gisa" aurkeztu du aitak epaiketan, eta haien "tratu txarrak eta bortxaketak jasan" izan dituela adierazi du.
Aintzane Pujanaren bahiketa eta hilketa argitzeko epaiketa egiten ari dira egunotan Gipuzkoako Auzitegian. Fiskaltzak espetxealdi iraunkor berrikusgarria eskatzen du delituez akusatutako bikoteko kideentzat. Seigarren jardunaldiko muina emakumearen aitaren deklarazioa izan da.
Aitak alabak izan duen bizitza kontatu du, 3 urterekin adoptatu zutenetik hilketa gertatu zen unera arte.
Haren aburuz, akusatua izan dituen bikotekideen biktima izan da. Horietako bik tratu txarrak eman zizkiotela esan du: batek prostituitzera behartu zuen eta besteak bortxatu egin zuen.
Hala ere, ez zion tratu txarren seinalerik sumatu azken bikote-harremanari, akusatuen aulkian esertzen den gizonarekin egon zenean.
Halaber, txikitatik gizarteratzeko "arazoak" izan dituela azaldu du, eta "legearekin arazoak zituzten pertsonen onarpena" bilatu duela beti.
Azken urteetan "protoautismoa" eta "mugako nortasunaren nahasmendua" diagnostikatu dizkiotela ere aitortu du. Legez ezgaitzen saiatu zirela ere jakinarazi du, "haur batek bezala funtzionatzen zuelako".
Hala ere, alaba ez dela inoiz "oldarkorra izan" jakinarazi du eta ez du uste Aintzane Pujana hiltzeko gai izan zenik.
Epaiketak ostiralean jarraituko du, Ertzaintzako zenbait agenteren eta akusatuaren defentsak proposatutako hiru lekukoren deklarazioekin.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.