Gernikako Urriko Azken Asteleheneko Azokak 241 postu izango ditu aurten
Euskal Herriko merkatu garrantzitsuenetakoa den Gernikako Urriko Azken Asteleheneko Azokak 241 nekazaritza eta artisau postu izango ditu aurten.
Ekitaldi hau aurkezteko prentsaurrekoan, Jose María Gorroño alkateak astelehenean Gernikara joatera animatu ditu herritarrak, "euskal baratzearen erakusleiho onenaz gozatzeko".
Artisautzako produktuak saltzeko 54 postu jarriko dituzte, eta gainerakoetan baratzeko produktuak salduko dituzte. Azken horien artean, gazta saltzen dutenak izango dira ugarienak (36), ogia saltzekoak 20 izango dira, eta beste hainbestetan salduko dute euskal pastela.
Eztia, txakolina, barazkiak, kontserbak, makineria, patea, erroskilak, sagardoa eta landareak ere izango dira.
Artekale kalean eta Pasealekuan egongo dira postu gehienak, baina beste kale batzuetan ere egongo da zer ikusi eta zerekin gozatu.
Alkateak azaldu duenez, egun horretarako larrialdietarako protokoloa garatu dute, eta horren arabera 70 pertsona baino gehiago arituko dira bertan lanean, tartean boluntarioak, suhiltzaileak, ertzainak, udaltzainak eta udal langileak.
Urtero legez, barazkiak, landareak, fruta, txakolina, eztia eta gazta saltzen dituzten posturik onenak sarituko dituen lehiaketa egingo da.
Eguerdian, Sebastian Lizasok, Andoni Egañak eta Onintza Enbeitak bertsotan alaituko dute azoka.
Era berean, 18:00etan hasita, Gernika Jai Alai Winter Series txapelketako bi partida jokatuko dira; Goitia eta Del Rio Urrezti eta Gorkaren aurka arituko dira, eta Erkiaga eta Ibarluzea, berriz, Johan eta Lekerikaren aurka.
Antolatzaileek azaldu dutenez, San Juan kalea (Artekaletik Don Telloraino), Artekale, Juan Calzada (Saraspe plazaraino) eta Adolfo Urioste kaleak itxi egingo dituzte autoentzat, eta trafikoa San Juanetik eta anbulatorioko igoeratik bideratuko dute.
Alkateak Gernikara garraio publikoan joateko eskatu die bisitariei. Udalak, dena den, aparkaleku bereziak jarriko ditu eta behar bezala seinaleztatuta egongo direla azaldu du Gorroñok.
Euskotrenek bere ohiko tren zerbitzua indartuko du urriaren 28an Gernikako Azken Astelehena dela eta. Bidaiak errazteko asmoz, egun osoan zehar tren bereziak ibiliko dira Matiko eta Gernika artean, eta zerbitzua areagotuko du jende gehien espero den orduetan.
Leire Zarate BBK-ko Ingurumen eta Iraunkortasun arloko arduradunak harro esan du berak ordezkatzen duen erakundea azoka honekin lankidetzan aritzen dela "tradizioari lotutako ekimenak bizirik mantentzen, gure etorkizuna iraunkortasun irizpideekin eraikitzen eta mantentzen laguntzen duelako".
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.