Jendetza bildu da Gernikan, Urriko Azken Asteleheneko Azokan
Urriko Azken Asteleheneko Azokako 241 saltokiek 09:00etan ekin diote aurtengo hitzorduari. Postuak irekitzearekin batera abiatu dira nekazaritzako produktuen lehiaketa eta nekazaritzako makineriaren erakusketa. Urtero legez, barazkiak, landareak, fruta, txakolina, eztia eta gazta saltzen dituzten posturik onenak sarituko dira eguerdian.
Artisautzako produktuak saltzeko 54 postu daude, eta gainerakoetan baratzeko produktuak daude salgai. Azken horien artean, gazta saltzen dutenak izango dira ugarienak (36), ogia saltzeko 20 izango dira, eta beste hainbestetan salduko dute euskal pastela.
Eztia, txakolina, barazkiak, kontserbak, makineria, patea, erroskilak, sagardoa eta landareak ere izango dira.
Artekale kalean eta Pasealekuan jarri dituzte postu gehienak, baina beste kale batzuetan ere egongo da zer ikusi eta zerekin gozatu.
Azokako produktu izarrak, Gernikako indabak, ez du aurten aurrekoetako distira edukiko. Izan ere, uda euritsua tarteko, ohi baino urriagoa izan da uzta, eta garesti dago babarruna: 17-18 euro kiloa.
Euririk ez gaurkoan
Eguraldi atsegina iragarri dute adituek, laino eta ostarteak izango dira, baina ez da euri konturik izango. Tenperatura freskoenak 9-10 graduren bueltan geldituko dira, eta 16-17 graduraino iritsiko dira termometroak.
Eguerdian, Sebastian Lizaso, Andoni Egaña eta Onintza Enbeita bertsotan arituko dira, azoka girotzen.
Halaber, 18:00etan hasita, Gernika Jai Alai Winter Series txapelketako bi partida jokatuko dira; Goitia eta Del Rio Urrezti eta Gorkaren aurka arituko dira, eta Erkiaga eta Ibarluzea, berriz, Johan eta Lekerikaren aurka.
Udalak larrialdietarako protokoloa prestatu du, eta 70 pertsona baino gehiago arituko dira bertan lanean, tartean boluntarioak, suhiltzaileak, ertzainak, udaltzainak eta udal langileak.
Antolatzaileek azaldu dutenez, San Juan (Artekaletik Don Telloraino), Artekale, Juan Calzada (Saraspe plazaraino) eta Adolfo Urioste kaleak itxi egingo dituzte autoentzat, eta trafikoa San Juanetik eta anbulatorioko igoeratik bideratuko dute.
Garraio publikoan bertaratzeko eskatu diete bisitariei. Udalak, dena den, aparkaleku bereziak jarriko ditu, eta behar bezala seinaleztatuta egongo dira.
Euskotrenek ohiko tren zerbitzua indartuko du urriaren 28an Urriko Azken Astelehena dela eta. Bidaiak errazteko asmoz, tren bereziak ibiliko dira egun osoan zehar Matiko eta Gernika artean, eta zerbitzua areagotuko du jende gehien espero den orduetan.
Leire Zarate BBK-ko Ingurumen eta Iraunkortasun arloko arduradunak harro esan du berak ordezkatzen duen erakundea azoka honekin lankidetzan aritzen dela "tradizioari lotutako ekimenak bizirik mantentzen, gure etorkizuna iraunkortasun irizpideekin eraikitzen eta mantentzen laguntzen duelako".
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.