Gutxienez 55 pertsona hil dira azken orduetan Kanaria Uharteetako migrazio-ibilbidean
Ia 1.800 lagun iritsi dira Kanaria Uharteetara asteburu honetan eta, tamalez, gutxienez 55 hil egin dira Afrikatik Espainiara iristeko saiakeran.
Hil diren pertsonetatik 48 Hierro hegoaldean zegoen ontzi batean zihoazen, eta bost migratzaile Lanzarote inguruan zegoen ontzi bat hondoratuta hil dira.
Hierro hegoaldetik 370 kilometrora zegoen ontzian zihoazen 58 pertsonetatik hamar bizirik erreskatatu dituzte eta gainonerakoak, 48 lagun, hil egin dira. Bizirik atera diren guztiak Senegal, Mali eta Mauritaniako gizonezko helduak dira. Horietako lau Hierroko Uharte Ospitalera eraman behar izan dituzte. Kaiuko hori duela ia hiru aste atera zen Mauritaniako iparraldetik Kanaria Uharteetara.
Gainera, gutxienez bost pertsona migratzaile hil dira gaur, igandea, Lanzarotetik 90 kilometrora hondoratu den ontzi batean. Ontzi horretan zihoazen 17 pertsona bizirik erreskatatu dituzte Itsas Salbamenduko hegazkinek, airetik jauritako txalupa balsa bati esker.
Operazio berean, aurreko ontzitik gertu zegoen kaiuko batean zeuden 80 pertsona erreskatatu dituzte.
Gainera, atzo, larunbata, Hierrora iritsi zen 180 bidaiariko ontzian zihoan migratzaileetako bat hil da ospitalean.
Gauzak horrela, guztira 1.786 migratzaile baino gehiago iritsi dira pasa den ostiraletik Kanaria Uharteetara, 29 ontzitan. Horietatik gutxienez 86 emakumeak dira, eta 31 adin txikikoak.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.