"Uda txikia" azaro betean
Termometroak 20 gradura iritsita, eta eguzkia eta hego-haizea lagun, "uda txikia" izango dugu udazkeneko asteburu honetan. Zeru aldean, oskarbi egongo da larunbatean, baina igandean lainotzera egingo du, eta zirimiria ere egin dezake isurialde atlantikoan, Euskalmet Euskal Meteorologia Agentziak egindako iragarpenaren arabera.
Ostiral honek ezarriko du asteburu honen eguraldi joera; izan ere, giro eguzkitsu eta epela izango ditugu nagusi.
Larunbaterako ez da aldaketarik espero. Iparraldean, giroa eguzkitsua izango da, zerua tarteka hodeitsu egongo den arren, erdi-mailako hodeiekin eta goi-hodeiekin, batez ere egunaren erdialdeko orduetan. Hegoaldean, aldiz, lainotuago egongo dira gainak. Hego-haizearen eraginez, tenperatura maximoak atseginak izango dira urte sasoi honetarako: 19-20 ºC ingurukoak Bilbon, Donostian eta Baionan, eta 15 ºC-koak Gasteizen eta Iruñean. Tenperatura minimoak altuagoak izango dira, baina, halere, barnealdeko zenbait tokitan hotz egingo du egunsentian (Gasteizen, esaterako, 6 gradu izango dituzte).
Igandean, ahuldutako fronte bat sartuko da, eta horrek aldaketa txikiak ekarriko ditu, batez ere isurialde atlantikoan. Eguna eguzkitsu hasiko da, eta goizeko behe-lainoak arin desagertuko dira. Dena dela, goizak aurrera egin ahala, mendebaldetik hasita, hodeiak ugaritu egingo dira eta baliteke zirimiri pixka bat egitea. Hego-osagaiko haizeak norabidea aldatuko du, mendebaldera egingo baitu. Hori dela eta, maximoak apur bat jaitsiko dira isurialde atlantikoan: Bilbo, Donostia eta Baiona 17-18 ºC-rekin geratuko dira. Hegoaldean, ordea, gora egingo dute, eta Gasteizen eta Iruñean 18 ºC-an errendituko dira.
Kontsulta ezazu eguraldiaren iragarpena eta bidali zure argazkiak eta bideoak.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.