Kirurgiako eta kontsultetako itxaron-zerrendak 60 egunetik behera murriztu ditu Osasun Sailak
Alberto Martinez Osasun sailburuak ostegun honetan azaldu duenez, itxarote-zerrendak murriztu egin dira azaroan, uztailarekin alderatuta, ezarritako helburuen azpitik; izan ere, kirurgien eta kontsulta espezializatuen kasuan, murriztu egin dira, 60 egun baino gutxiagora iritsi arte, eta proba osagarrien kasuan, 40 baino gutxiagora.
Martinezek Rebeka Uberaren (EH Bildu) galdera bati eman dizkio datuok Eusko Legebiltzarreko kontrol saioan Uberak Osakidetzako kudeaketa ereduaren egiturazko eraldaketa eskatu dio, itxarote zerrendak konpondu eta klinika pribatuetara bideratzen diren kasuak murrizteko.
Osasun Sailak emandako datuen arabera, azaroan ebakuntza kirurgikoetarako itxaron-zerrenda uztaileko batez besteko 67,7 egunetatik 56,7ra igaro da; kanpo-kontsulta espezializatuetarako itxaron-zerrenda 70,6tik 57,7ra, eta proba osagarrietarako zerrenda 43,5etik 37,5era.
Sailburuak nabarmendu du uztailetik urrira bitartean jarduera % 10 inguru handitu dela, aurreko urteko aldi berarekin alderatuta.
Era berean, hilabete horietan kirurgia handiko 42.459 prozedura egin dira, hau da, jarduera % 9,5 gehitu da.
Lehenengo kontsulten kasuan % 8,4ko igoera izan da, espezialistentzako deribazioetan % 10,7koa, eta proba diagnostikoetan ere % 8,9 gehiago egin dira.
Bestalde, % 7,2 alta gehiago izan dira etxeko ospitalizazio-zerbitzuetan.
Martinezek azaldu duenez, profesionalak kontratatzeko programa espezifiko bat gauzatu dute, itxaron zerrendak murrizteko, 75 langile kontratatuta.
Osasun-erakundeen arteko lankidetza-mekanismo bat ere ezarri dute: jarduera handieneko zentroak eskari txikieneko ospitaleetan lan egiten zuten profesionalek estali edo lagundu dituzte.
Era berean, kirurgiarako, probetarako eta kontsultetarako gaitasuna handitu da, "aparteko lanaldien" bidez eta arratsaldeko txanda indartuz, eta ebakuntza-gelen erabilera ere optimizatu dute, "hutsarteak" ezabatuz, eta ebakuntza-gelak berregokitu dituzte eskaera handiena duten espezialitateetara.
Zure interesekoa izan daiteke
Emakume bat hil da Tafallan, auto batek harrapatuta
Istripua goizean gertatu da. Emakumea oso larri eraman dute ospitalera, eta ordu batzuk geroago hil da.
Gorenak errefusatu egin du etorkinen erregularizazioa kautelaz geldiaraztea
Espainiako Gobernuak "positibotzat" jo du milaka lagunen "oraina eta etorkizuna argitzen" duen erabaki hori. Dekretua onartuta apirilaren 16an abian jarri zen prozesua gelditzea eskatu zuten bost erakundek.
Giro ezin hobea Bilboko Europako errugbiaren festa handian
Asteburu honetan Challenge Cup eta Champions Cup txapelketetako finalak jokatuko dituzten errugbi-taldeen zaleen arteko giroaz gozatzen ari dira ehunka lagun ostiral honetan Bilbon. Montpellier eta Ulster izango dira elkarren aurka jokatuko duten lehenak, gaur, San Mamesen.
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.