Salaketa jartzen ez duten indarkeria matxistaren biktimak ere babestearen alde agertu da Subijana
Erasotzailearen kontrako salaketa ez jartzea erabakitzen duten indarkeria matxistaren biktimak ere babestu egin behar direla uste du Iñaki Subijana EAEko Justizia Auzitegi Nagusiaren presidenteak, baita biktimak babes horri uko egiten dion kasuetan ere. "Nire iritzia da salaketa jartzen ez duten emakumeei ere babes neurriak ezarri behar zaizkiela", esan du.
Eusko Legebiltzarrean egin ditu adierazpenok Subijanak, berak zuzentzen duen auzitegiaren iazko memoriaren berri emateko egin duen agerraldian. 2023ko jarduera judizialaren errepasoa egin du luze-zabal, eta arreta berezia jarri du genero indarkeriarekin lotutako auzien atalean.
Zentzu horretan, "gogoeta" eskatu du, indarkeria matxistaren biktima diren biktima emakume guztiei erakundeek eman behar dieten babesaren inguruan. Bere iritzian, salaketa jartzen dutenak, salaketa jartzen ez dutenak, salaketa ipini eta ondoren kentzea erabakitzen dutenak eta babes neurriei uko egiten dietenak, biktima guztiak babesteko "ahalegina" egin behar dute erakundeek.
Erantsi duenez, emakume asko "zaurgarritasun maila oso handian" eta "menpekotasun egoeran" daude, eta ondorioz, salaketa ez jartzea erabakitzen dute, "zailtasun asko" dituztelako horretarako.
Joan den astean Pasaian izandako hilketa matxistaren ondoren, Manuel Lezertua arartekoak ere "gogoeta" eskatu zuen. Hain zuzen, kasua bera eta horren inguruabarrak "zorrotz berrikustea" eskatu zuen, ulertzeko zergatik, biktimak erasotzailea salatu arren, "ezin izan dute emakumea babestu" eta salatutako erasotzaileak bera hil izana saihestu. Gaur, Miren Elgarresta Emakunderen zuzendariak, Radio Euskadin egindako elkarrizketan, onartu du indarkeria matxistaren kontrako protokoloak ez direla "%100 hutsezinak".
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.