Elgarresta: "Indarkeria matxistaren aurkako protokoloak ez dira % 100 hutsezinak"
"Indarkeria matxistaren aurkako protokoloak ez dira % 100 hutsezinak. Aitortu egin behar dugu errealitate hori, zintzoak izanda". Hala erantzun du Miren Elgarresta Emakunderen zuzendariak, atzo Pasaiako Bekoz Beko talde feministarekin izandako bileraz galdetu diotenean. Larunbatean ustez bikotekideak tiroz hil zuen Leonorren kasua aztertzeko elkartu ziren bi aldeak. Biktimak 2020an salatu zuen gizonezkoa, genero indarkeriagatik.
Nolanahi ere, protokoloen balioan ere jarri nahi izan du azpimarra Emakumearen Euskal Erakundearen arduradunak. Esan duenez, protokoloetan ezarritako lan-lerroei esker azken 20 urteotan "bizitza asko salbatzea" lortu da.
Indarkeria Matxistaren Biktima diren Emakumeei Arreta Hobea Emateko Erakundeen arteko III. Akordioaren Jarraipen Batzordearen barruan egin zuten atzo batzarra Emakundek eta talde feministak. Pasaian hildako emakumearen kasuaren kronologia zehatza egin eta protokoloa aztertzea izan zen bileraren helburua, Elgarrestak zehaztu duenez. "Prozeduraren analisia egindakoan, protokoloen eraginkortasun maila aztertu ahal izango dugu", erantsi du.
Radio Euskadin Egindako elkarrizketan, Bekoz Beko eta gisako talde mugimenduen "lan ezinbestekoa" goraipatu du Emakunderen zuzendariak, "biktimen eta erakundeen arteko zubi-lana" egiten dutelako. Erakundeen arteko lankidetzaren "azken helburua" protokoloak "etengabeko hobetzeko erremintak identifikatzea" dela ere esan du.
Leonor, 45 urteko emakume kolonbiarra, tiroz hil zuen ustez bikotekideak, joan den larunbatean, Pasaian. Hilketaren ondoren, bere burua Villabonako polizia-etxean entregatu zuen gizonezkoak. Epailearen aurrean deklaratu ondoren, atzo behin-behinean espetxean sartu zuten, genero indarkeria delitua leporatuta.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.