Neguko bidezaintza planak aktibatu dituzte Hegoaldean, elur iragarpenak direla eta
Eusko Jaurlaritzak Neguko Bidezaintza Plana aktibatu du, "jarraipen eta informazio fasean", iragarpen meteorologikoak ikusita. Izan ere, alerta laranjan dago EAE larunbat eta igande honetan, itsasaldeko arriskuagatik eta igande eta astelehenerako aurreikusitako euriteengatik.
Abisu horia ezarri dute, gainera, larunbat honetan elurragatik, eta baliteke elur-kota 800-1.000 metrora jaistea egunaren azken orduetan. Igandean eta astelehenean ere, abisu horia izango da indarrean elurragatik, eta, iragarpenen arabera, elur-kota 800-1.000 metro inguruan koka daiteke bi egunetan, eta zertxobait beherago (700 metro inguruan) egon daiteke Arabako ekialdean.
Eusko Jaurlaritzak koordinatzen duen 2024-2025eko Neguko Bidezaintza Planak foru aldundietako eta autobideetako elurra kentzeko 215 makina (aurreko urtean baino 9 gehiago) aktibatzeko aukera jasotzen du; puntu estrategikoetan 7 garabi astun, pisu handiko ibilgailuak erretiratzeko, eta koordinazio- eta zaintza-lanetarako laguntza emango duten 130 ibilgailu tartean.
Gainera, Ertzaintzaren trafikoko lurralde unitateetako patruilak gehituko dira, eta horien kopurua handitu ahal izango da. Planak 28.500 tona gatz eta 775.000 litro gatzun erabili ahal izatea ere aurreikusten du.
Nafarroako Gobernuak elurra kentzeko 64 makina jarri ditu martxan
Bestalde, Nafarroako Gobernuko Herri Lan eta Azpiegituren Zuzendaritza Nagusiak neguko bidezaintzako dispositiboa mobilizatu du Nafarroako errepideetan prebentzio-lanak egiteko. Hotz eta elur denboralearen alertaren arabera, elur-kota 800 metrora jaitsiko da egunaren amaieran, eta baliteke igandeko lehen orduetan jaisten jarraitzea.
Kontserbazio Zerbitzuak elurra kentzeko 31 makina aktibatu ditu larunbat honetako 18:00etatik 22:00etara inguru hauetan: Agoitz, Irurtzun, Lizarra, Mugairi, Iruñea, Tafalla eta Pirinioetako, Leitzarango, Sakanako eta Iparraldeko autobideetan.
Igande honetako 22:00etatik 06:00ak arte, 52 makina izango dira prest, eta igandeko 06:00etatik 12:00etara, elur-kota 700 metrora jaitsiko dela aurreikusita, elurra kentzeko 64 makina egongo dira aktibo, Foru Gobernuak jakitera eman duenez.
Foru Komunitateko errepideen azken orduko egoera ikus daiteke Incidenciascarreteras.navarra.es webgunean eta 848 423 500 telefono zenbakian.
Nafarroako Gobernuak herritarrei dei egin die beharrezko prebentzio-neurriak har ditzaten, eta denboraleak kaltetutako eremuetara joan-etorririk egin ez dezaten. Pirinioetan, adibidez, Belaguako mendatea itxi dute.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.