100.000 jarraitzaile baino gehiago dituzten influencerrak behartuta egongo dira albiste faltsuak gezurtatzera
Ministroen Kontseiluak gaur onartu du Zuzenketa Eskubidea Arautzen duen Lege Organikoaren aurreproiektua, eta sare sozialen erabiltzaile garrantzitsuez (influencer) hitz egiten du, hau da, sare sozial batean 100.000 jarraitzaile baino gehiago dituzten edo plataforma eta sare sozial guztietan dituzten jarraitzaileak batuta 200.000 baino gehiago dituztenei buruz.
"Pertsona horiek komunikabide tradizional askok baino ahalmen handiagoa dute informazioaren zabalkundean. Eta badira egiezen eta gezurren profesionalak, egunero gure eztabaida publikoa gezurrekin eta faltsukeriekin estaltzen dutenak. Haien aurka egin ahal izango dute haiek zabaldutako gezur edo zehaztasun faltak kalte egin dietela uste duten herritarrek", zehaztu du Felix Bolaños Justizia ministroak.
Ministroen Kontseiluak aurreproiektua onartu du, eta 1984ko araua erabat ordezkatu. Neurria "Demokraziaren aldeko Ekintza Egitasmoan" jasota zegoen. Egiezek kaltetutako herritarrei eskubide hori bermatzea da helburua, eta, lehen aldiz, influencerrak barne hartzen ditu.
Justizia Ministerioaren arduradunak azaldu ditu araudi berri honen xehetasunak. "Eztabaida publikoan kalitate handiagoa bultzatu nahi dugu. Gure herritarren zuzenketarako eskubidea erraztu eta bermatu nahi dugu, baldin eta informazio faltsua, zehaztugabea eta gezurra bada", azpimarratu du, eta gaineratu du arauaren bidez "zuzenketaren inguruabarrak egokitu egingo direla ingurune digital batera", hau da, gaur egungora. Adierazi du, halaber, prozesua "azkartuko" dela.
Zehazki, Bolañosek zehaztu duenez, lege berriak jasotzen dituen bi berrikuntza "giltzarriak" hauek dira: informazio eta komunikazio modu berriak jasotzen ditu, eta, bigarrenik, "aldaketak egiten ditu, albiste faltsu edo zehaztugabe baten eraginpean dauden herritarrek egiazko informazioa jasotzeko duten eskubidea bermatzeko".
Aurreproiektuak dituen berrikuntza garrantzitsuenen artean ere, Bolañosek nabarmendu du zuzenketa eskatzeko epea 7 egunetik 10 egunera luzatzen dela.
Bolañosen ahotan, araua "ona izango da, halaber, komunikabideen jokabide egokiak nagusitzeko, eta egunerokoan gertakariak zehaztasunik gabe edo faltsukeriaz ematen diren informazioak argitaratzen dituztenak jabetu daitezen".
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.