Eibarko egoitza bateko zaintzaileek B2 euskara eskakizuna bete beharra "diskriminatzailea" dela ebatzi dute

Gipuzkoako Foru Aldundiak kudeatzen duen Egogain adinekoen egoitzako langile batek jarritako helegitea onartu du epaiak. Hautaproba horien oinarrietan euskararen ahozko eta idatzizko B2 hizkuntza-eskakizuna jasotzen zen eskainitako 20 lanpostuetarako.

Egogain-residencia-eibar — Eibarko (Gipuzkoa) Egogain adinekoen egoitza. Irudia: Uliazpi

Agentziak | EITB Media

2024/12/19 - 17:29

Azken eguneratzea

2024/12/19 - 17:29

Donostiako Administrazioarekiko Auzietako 2 zenbakiko Epaitegiak bertan behera utzi du Gipuzkoako Foru Aldundiak kudeatzen duen Eibarko adinekoen egoitza bateko zortzi bitarteko zaintzaileri euskararen B2 hizkuntza-eskakizuna betearaztea, "diskriminatzailea" dela eta "zuzenbidearekin bat ez datorrela" iritzita.

Epaiak onartu egin du Eibarko Egogain Gerontologia Zentroko langile batek foru erakundea egonkortzeko lan eskaintza publikoan sartutako plazen hautaketa-prozesuen deialdiak onartu zituen ebazpenaren aurka jarritako errekurtsoa.

Hautaproba horien oinarrietan euskararen ahozko eta idatzizko B2 hizkuntza-eskakizuna jasotzen zen eskainitako 20 lanpostuetarako, CCOOk ohar baten bidez jakinarazi duenez.

"Euskara eta gaztelania hizkuntza ofizialak dira, eta Administrazioak bien erabilera bermatu behar du; beraz, diskriminatzailea da plaza guztietarako euskara eskakizuna bete behar izatea, baita derrigortasun-data igarota ere, eta horrek praktikan funtzio publikora sartzea galarazten die euskara maila jakin bat dutela egiaztatzen ez duten guztiei", dio epaiak.

Halaber, zehaztu du Egogain egoitzako txanda eta solairu bakoitzean "bi eta lau zaintzaile artean aritzen direla batera lanean, eta, beraz, ez dela beharrezkoa zaintzaileen % 100i hizkuntza eskatzea Administrazio publikoarekin harremanak euskaraz izateko eskubidea bermatzeko".

Comisiones Obreras sindikatuak adierazi duenez, "24 urteko aldi baterako kontratuak zituzten zaintzaileen lanpostuak egonkortzeko ezohiko prozesuan puntuazio handiena lortu zuten zortzi langile" eta "hamar urtean zehar euskaltegietako titulazioa lortzen saiatu ziren langileak" baztertu egin zituzten, ahozko eta idatzizko B2 hizkuntza-eskakizuna egiaztatu ez zutelako.

"Gehienak euskaraz artatzeko gai dira, baina ez dute B2 idazketa maila aurreratua, eta hori ez da beharrezkoa beren lanerako", azpimarratu du sindikatuak. CCOOk nabarmendu du hizkuntza eta lan eskubideak "guztiz bateragarriak" direla, "proportzionaltasun soziolinguistikoak errespetatuz".

CCOOk "tamalgarritzat" jo du ELA eta LAB sindikatuek "beren eskubideak defendatzen saiatzen diren behargin prekarioen aurka egitea eta seinalatzea", eta "EAJk eta PSE-EEk gobernatzen duten erakunde batek Eusko Jaurlaritzaren hizkuntza-araudia bera ez betetzea".

Albiste gehiago gizartea

FOTODELDÍA SAN SEBASTIÁN, 17/06/2025.- Vista este martes de la playa de La Concha de San Sebastián. Los cielos en el País Vasco estarán hoy poco nubosos en el País Vasco, los vientos serán flojos y variables, aunque por la mañana se fijarán del norte, las temperaturas mínimas no variarán y las máximas experimentarán un ligero o moderado ascenso. EFE/Javier Etxezarreta

Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik

Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.

500 ekitalditik gora antolatu dituzte 2025eko sanferminetarako

Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera Gazteluko Plazako agertokian bederatzi eguneko zoramenari.

Nafarroako Unibertsitatea eta EHU, munduko 600 unibertsitate onenen artean

Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.

Ines Ibañez de Maeztu, Ararteko en funciones EFE

Arartekoak Osakidetzan inbertsioa areagotzearen garrantzia azpimarratu du, herritarren kexak ikusita

Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.

Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina

Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.

osakidetza ambulatorio centro de salud osasun etxea gasteiz vitoria

Osakidetzak ordutegiak murriztu eta osasun-zentro batzuk itxiko ditu udan

Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.

Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"

Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.