EAEko biztanleen % 23,9k osasun-aseguru pribatua dute
Arabako, Bizkaiko eta Gipuzkoako biztanleen % 23,9k du osasun-aseguru pribatuen babesa, eta traumatologia, oftalmologia, ginecologia eta dermatologia kontsultetarako erabiltzen dira batez er.e
Eustat -Euskal Estatistika Erakundeak bi urtez behin egiten du aseguru-pribatuen eboluzioaren inguruko azterketa eta, gaur, 2023ari dagozkion datuak eman ditu argitara.
Azterketa horretan ikusten denez 2023an EAEn establezimenduak zituzten aseguru-etxeek 525.435 pertsona zituzten osasun-aseguruekin babestuta, hau da, biztanleen lautik bat.
2021ean baino % 4,1 gehiago ziren iaz halako aseguru bat zutenen kopurua. 2021ean, pandemiaren ostean, % 6,4 igo ziren aseguru pribatuen kontratazioak 2019arekin alderatuta.
2021arekin alderatuta, Gipuzkoan igo zen gehien aseguru pribatua zutenen kopurua % 10,7), Araban % 9,2 eta Bizkaian % 1,4.
Guztira, herritarren % 23,9 zuten 2023an osasun-aseguru pribatua, baina Bizkaian % 30,7koa zen kopuru hori, Araban % 19,4koa eta Gipuzkoan % 15ekoa.
Aseguru horiek kontratatzen dituztenen profilari dagokionez, gehiago dira emakumeak gizonak baino (% 52,8 eta % 47,2, hurrenez hurren), eta 45-64 urte bitarteko adin-taldea da ugariena (% 34,8), ondoren 25-44 urte bitartekoak (% 26,1).
Guztira, aseguru-erakundeek 1,8 milioi kontsulta erregistratu zituzten 2023an, batez ere, traumatologiakoak (240.000), oftalmologiakoak (191.000), obstetrizia eta ginekologiakoak (184.000) eta dermatologiakoak (158.000). Espezialitate horietakoak izan ziren, orotara, kontsulten % 43,8.
Lehen Mailako Arretari lotutakoei dagokionez, familia-medikuntzakoak izan ziren 129.000 kontsulta eta pediatriakoak 87.000. Horrek erakusten du mediku-asegurua arreta espezializatuarekin lotutako kontsultetara joateko erabiltzen dela, batez ere.
Aseguru-etxeek kobratutako primei dagokienez, 398 milioi bildu ziren, hau da, 2021ean baino % 8,7 gehiago.
Aseguru horien ordainketaren % 69,9 Bizkaian kontzentratu zen, % 19,3 Gipuzkoan eta % 10,8 Araban.
Hartzaile-motaren arabera, aseguru kolektiboek, hau da, enpresei edo beste kolektibo jakin batzuei zuzendutakoek, osasun-asegurua zuten pertsonen % 61,3 bildu zuten, banakakoek eta familiakoenak % 33,9, eta Estatuko Administrazio Zentraleko funtzionarioen mutualitate publikoenak % 4,8.
2021eko datuekin alderatuta, aseguru kolektiboen izan zen gehien igo zirenak, + %5,2 eta banakoenak edo familiakoenak +%4. Mutualista publikoen kopuruak, berriz, behera egin zuen - % 8.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.