Donostiako Danborradak kartel propioa du berriro, 43 urteren ondoren
Donostiako Udalak San Sebastian hiriaren zaindariaren omenezko jairako kartel bat egiteko ohitura berreskuratu du —1981etik ez zen egiten—, eta aurten, gainera, pantaila erraldoi bat jarriko du kaian, ekitaldi esanguratsuenak zuzenean jarraitzeko.
Nobedade horiek gaur iragarri dituzte Eneko Goia alkateak eta Jon Insausti Kultura zinegotziak udaletxean emandako prentsaurrekoan, urtarrilaren 20an ospatzen den "donostiarren jairik kuttunena" abiatzeko egun gutxi falta direnean.
'Donostiako Danborrada' da Joseba Larretxe diseinatzaile bidasotarrak egindako kartelak dakarren leloa, eta desfileetako pertsonaia nagusiak agertzen dira bertan: danborrari bat, jantzi napoleoniko tradizionalarekin; urketari bat upela jotzen eta ume sukaldari bat, sardexka handi batekin.
Horrela, San Sebastian jaiak kartel propioa izango du, DK Festak udal erakundeak antolatutako beste jai eta ekitaldi batzuekin gertatzen den bezala, eta 43 urte kartel barik eman ondoren tradizioa berreskuratu dute.
Goiak azaldu duenez, jaia bazetorrela iragartzeko egin zen azken kartela 1981ekoa da, eta urte horretan Haur Danborradako konpainiei eman zitzaien protagonismoa. Orduan, 24 izan ziren; 2025ean, ordea, 45 taldek hartuko dute parte haurren desfilean.
Donostiako jai nagusia "sasoi onean" dagoela nabarmentzeko, alkateak gogorarazi du duela 43 urte helduen danborradan 23 taldek hartu zutela parte, eta, orain, ordea, 167k.
Beste berritasun bat, portuan jarriko den pantaila handia da, banderaren igoera eta jaitsieraren eta haur danborradaren emanaldiak zuzenean jarraitu ahal izateko.
EITBrekin elkarlanean egingo den ekimen honen helburua jaia jarraitzeko orduan "leku publikoak dibertsifikatzea" da, "guztiontzat eskuragarriago" izateko, alkateak gaineratu duenez.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.