Bi aldeetako 20 bat lekukok deklaratu dute Mario Lopezen aurkako epaiketaren bigarren saioan
Akusazioaren eta defentsaren lekukoek deklaratu dute gaur, Mario Lopez saskibaloi entrenatzaile ohiaren aurka Bizkaiko Lurralde Auzitegian egiten ari diren epaiketaren bigarren saioan.
Auzia ostegunean geratuko da epaiaren zain, proba teknikoak, aldeen behin betiko txostenak eta auzipetuaren azken deklarazioa entzun ondoren. Epaiketa ateak itxita egiten ari da, biktimaren intimitatea bermatzeko.
Bigarren saioa 9:30ean hasi da eta ia bost ordu iraun du. 20 bat lekukok deklaratu dute, tartean biktimaren dozena bat taldekide ohik. Salatzaileak entrenatzaile ohiari 1998 eta 2001 artean sexu-erasoa egin izana leporatzen dio.
Mario Lopezen abokatuak proposatutako lekukoek ere deklaratu dute. Besteak beste, Gernika saskibaloi taldearen entrenatzaileak eta zuzendariak, Epaileen Federazioaren ordezkariak eta Lopezen emazte ohia agertu dira auzitegian, auziaren gertuko iturriek jakitera eman dutenez.
Entrenatzaile ohiaren defentsak atzoko saioan ziurtatu zuenez, Lopezek biktimarekin harreman "platonikoa" izan zuen.
Fiskaltzak 14 urteko espetxe-zigorra eskatu du akusatuarentzat, baita hamar urtean zehar biktima bizi den lekura hurbiltzeko debekua eta 20.000 euroko kalte-ordaina ere.
Akusazio partikularrak, berriz, 18 urteko espetxe-zigorra eskatu du, eta defentsak, absoluzioa.
Zure interesekoa izan daiteke
Gizon batek bikotekidea hil du Zaragozan
Auzokideek Polizia Nazionalari deitu diote, bikotearen etxean liskar gogor bat izan dela jakinarazteko. Patruila bat bertaratu da, eta emakumearen gorpua aurkitu dute, labankadak dituela. Ustezko hiltzailea dagoeneko atxilotu dute.
Nortzuk dira munduko aberatsenen Forbesen zerrendan agertzen diren bost euskal herritarrak?
Daniel Mate donostiarra (Glencore) da euskal ordezkaritzaren buru Forbesen zerrendan. Ondoren, De Urrutia, Ybarra eta Arregui familiak eta Jose Antonio Jainaga siderurgiako enpresaburua daude. Burtsak gorabehera, Euskal Herriko aberatsek Estatuko mapa ekonomikoan duten indarrari eutsi diote.
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe-zigorra eskatu du.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.